發表文章
第一天 - 12 Jul 2007
早上8:14分到達醫院，很快辦好入完手續，新院416 c，三人房，雖然是新院，但都超過30年，所以都幾舊，好彩床是靠窗，最初不明白下午2點做的手術要早上8點入院，原來入院前有很多工序要做，第一，要洗肚臍，因為是微創手術，所以要在肚臍開個隆，放個鏡頭入去，所以要洗乾淨，第二要剃毛，好尷尬，但無辦法la，聽講做心臟都要剃，第三是通腸，最慘呢樣，個姑娘話放左藥要等10分鐘先可以去，但唔使5分鐘就已經萬馬奔騰，忍無可忍，直廁所，做哂以上三部曲都未到10點，於是睇哂三份免費報紙同1份機場版東週，（完全明白點介解朱焙慶丟官之過程）再等到1點鐘，先換上手術袍，再等多45分鐘，有姑娘入打手術前之1針，話用放鬆肌肉喎，踏正2點有姑娘來推落三樓手術室，當時心情好似俾人推去行邢咁，感覺認真唔好，點知推開手術室門後，（後來才知道是往手術室的通道）就將我推邁一邊，都唔知等左幾奈，感覺好似成半粒鐘，爭d訓著，跟著有人來正式推入手術房，當時聽都有人預備手術儀器d聲音，好似洗緊d刀刀叉叉咁，鬼咁恐佈，又聽到d姑娘話要咁要咁，如果唔系，又會俾醫生lau，真系嚇死人，跟著又有個遮著面都幾靚仔ge人入，應該系麻醉師呱，叫我唔使驚，我心唸，唔驚就假，跟著佢著我隻手，以為做乜 ，原來在我右手插左1支針咀，到呢個時後，我個aggressive醫生先至出現，難為佢仲叫我盡量訓得舒服d，因為個手術要做2個幾鐘，如果唔系，會腰酸背痛喎，最後我見牆上個鐘系2:30分，之後就乜都唔知。到醒返之後已經返回自己房，已經5點幾6點，個人完全唔知做乜，凈系知道成身都系喉，d傷口隱隱作痛，到7點零鐘，個人才清醒d，原來姑娘幫我叫再粥水，但完全食唔落，本來唸住一覺訓到天光先算，點知d姑娘每個鐘頭都來量血壓同探熱，真系煩死，如是者，迷迷糊糊，半夢半醒之下，過了頭一天。
第二天 - 13 Jul 2007
1早俾探熱ge姑娘曹醒，跟著發現自己原來唔識郁，完全轉唔到身，打側祇有10度傾斜，超過10度，個傷口會劇痛，後來有阿嬸來幫我洗面朗口，晏少少伸仲有人來幫我擦身，原來俾人服侍，感覺一d都唔好，中午仍然是粥水 ，一d味都無，免強飲左幾口，到下午拆左兩條喉，個人當堂舒服哂，精神哂，可能系麻醉藥過哂，仲可以落地添。黃昏過後，我d好同事探我，好多謝你地呀!仲帶咁多生果添! 金沙哈咪打!
第三天 - 14 Jul 2007
最後一條喉都拆埋，完全可以落地，原來一個人失去自由系咁慘，當我可以自己腳踏實地時個種喜悅，真系筆墨難書，仲有1樣最開心就系可以慢慢回復三餐，對於為食的我，間直系恩賜，於是利用靠窗前的少少空間，拉埋隔離床張椅，自設卡位，開餐也!
第四天 - 15 Jul 2007
身体70%回復正常，除左傷口有少少痛之外，其他大置無乜特別，今日doctor來拆埋最後一條管，跟著話要來播手術dvd，其實我都唔想睇，但doctor話要同我講解手術過程，都唔知點推佢，唯有頂硬上，局睇la，不睇還可，一睇之下，原來我所作的決定是對的，d瘤系我ge子宮入面已經生到滿哂，仲突出子宮表面，一粒粒白色，好恐佈，依家除之而後快，安樂哂。多謝doctor，多謝發明微創手術位人兄/姐。
第五天 - 16 Jul 2007
今日doctor來替我洗傷口，洗完之後就可以返屋企，不之幾開心，不過一到找數就面色都變埋，盛惠6萬8，都唔知claim得幾多?
< body>
