網頁

2010年11月30日 星期二

反手Bill



     有朝早起身,見到有舊野瞓左系窗邊,於是行近D睇下,原來系Bill爺

阿Bill媽:早晨呀Bill爺,乜咁早呀?



Bill Bill:大奴才,竟然嘈醒Bill爺禾?



奴才Bill媽:系.......系,小的該死,唔應該咁大聲,嘈親Bill大爺,對唔住lor!不過點解Bill大爺你隻手,好似反轉左咁既?




Bill Bill:你理得禾,本大爺鐘意點就點,禾依家同周公玩緊如瑜伽,所以唔好嘈住禾地,下退la...................ZZZZZZ



如是者,舊野拎轉個頭,又腳過!



2010年11月25日 星期四

長臂Bill與小沙化



      唔知點解最近Bill Bill好鐘意擺呢個浦士,成隻長臂猿咁,今日見佢主動跳上小沙化上,開心都來唔切....

Bill媽:Bill仔,豆丁EE話你成日咁窄住個胸,唔痛架咩?



Bill Bill:唔痛架,因為禾個心口夠厚,所以唔會痛架!不過各位EE唔好誤會,我Bill Bill系正牌公公,無事業線架!



Bill媽:見你呢排肯上小沙化hea,總算無buy(= 敗?)錯野 好la,等阿媽幫你影多兩張相la,拿,望呢邊...



Bill Bill:唉,阿Bill媽,雖然禾無事業線,但系禾都唔想窄偏禾個胸,快手D影la,話時話,究竟系你老花定個爛鬼DC問題,對極焦都唔清,犀晒禾D 浦屎!



阿Bill媽:Bill仔講得又好似幾arm,見人地貓blog D 貓貓咁sharp,睇來是時侯再敗野.....

2010年11月20日 星期六

紙箱情意結 - 6





       已經很久沒有紙箱返屋企,今次呢個系家中存貨,是用來放D過期statement,今晚Bill爸要摷返D舊statement 出來,一打開個蓋,Bill Bill就即刻上身咁,一個箭步累個頭落去....

Bill Bill:嘩,盒盒,正呀!



Bill爸:咩樹幹呀Bill Bill,咪攪攪陣啦~

Bill Bill:阿Bill爸,你唔明架啦,貓地真系好鐘意D紙箱陣除架,等禾索真D先!



Bill爸:傻仔,呢個系個蓋來乍,唔系你D盒盒呀。

Bill Bill:蓋都有盒盒味,等禾個靚涼,先挨落去...



Bill Bill:洗完白白之後,禾系咪巧迷人呢? 自我陶醉ing.....



紙箱對於貓地來講,真系有無窮的魔力,簡直是未魅力沒法擋,包括紙箱蓋!

2010年11月15日 星期一

繼續等

         

  某日放工回家,一開門就見到Bill Bill扒左系個几度,即摷個部相機出來,連環快拍......

Bill媽:Bill 仔,阿媽返來你都唔系門口迎接既?

Bill Bill:我就系系樹等你放工,等到對手手晒你都末返



Bill 媽:咁我依家返左來,你唔使再等la, 起身la!            

Bill Bill:幣,禾對手手有D痺,唔識起身添!



Bill媽:你對手手覺得痺咩,等我睇過.......呀有辦法,通常Bill婆婆手腳麻痺,我幫佢卒D千里軀風油,再加塊脫 X 海,就得架la!



Bill Bill:唔系fa,軀...軀風油,脫...脫...脫咩海話, 阿Bill媽你講笑乍!



我諗貓地應該唔會手腳麻痺,佢地宅住晒4隻手手腳腳,都無樹幹架。

2010年11月12日 星期五

酒釀丸子



     今次整呢樣野,實屬亂來,如有見識之士,懇請賜教

皆因出街食呢樣野超貴,一碗仔幾十蚊,某天行過超市(祖國),見到有呢樣野賣,兩個幾人仔一盒,所以買盒試下, 香港超市裕X賣個D,大大玻璃樽十幾蚊,



仲有,我地祖國呢樣野又幾好,就系可以散買糯米粉,最arm我地呢D整野食當玩煮飯仔既人,以前受D廣告影,唔好買散裝野的觀念要改,依家唔同,要幾多幾多,清清楚楚,6.8蚊1 斤(大陸斤,以下同),求其一殼先1.9人仔。



其他貨品都好乾淨整齊,可散買,又可一包包買



一開工,隻八仔又來貢....



1 包粉分兩次,呢到系1半,加水搓到自己應為OK為止

 


話明小丸子,所以要細細粒



攪掂



水滾,放D丸子落去,因為細細粒,唔使一兩分鐘就浮起



跟住好隨意放埋呢三實:冰糖、酒釀(上面一盒既一半)、桂花(我都唔知系咪放呢種茶用既乾花)



再擒蓋、熄火焗一焗



成個制作過程唔使一個鐘(最晒時間系搓湯圓,不過呢個系樂趣)



以上制作份量,純屬斷估,依個人喜好而定,天氣轉涼又乾燥,作為飯後甜品,既滋潤,又暖心頭!









2010年11月9日 星期二

這個週未吃、吃、吃



        上星期下了點雨,當堂覺得凍了很多,心中想起很久沒有打邊爐,襯這個週未沒有特別事情,返了鄉間蝸居一趟,心中不斷盤算住打邊爐....打邊爐......打邊爐....

        星期六早上,定點餐廳 - 為食角, 港式奶茶(8蚊人仔,下同)少不了,



再加碟即炒豉油王炒麵(13蚊),這裡炒麵不同香港的茶餐廳之處,是即叫即炒,我諗依家香港連大排檔也不會續碟炒,通常炒定一大鑊,有人叫先續碟出來,所以這碟麵夠晒鑊氣



吃完早餐,逛一輪超市,就出了市橋,行了一陣話咁快又上茶樓,今次呢間系世昌,好一段日子沒有幫襯,先看看牆上餐牌有甚麼新菜式,但最後還是被左下角的時鮮吸引...



Female:15蚊,Male :10蚊,嘿嘿!男女永遠不平等!



十幾蚊一隻,管牠正不正宗,細細隻也叫隻試試,



D膏又幾香,肉質也鮮甜



之後先慢慢叫點心,





飲完茶人家差不多落場,跟住行行街又見到呢樣野 - 薑汁撞奶,




好奈無食,系番禺事旦一間都整得很好,(系香港幾十蚊一碗果D唔系果回事,要用水牛奶同一種特別既薑整)依家D野貴左好多,諗起十幾年前第一次食,系街邊1.5一碗,依家入晒舖頭,6.5一碗,所以話依家內地通賬同香港一樣咁犀利 !

食埋這碗甜品,返回蝸居又到晚飯時刻,終於可以吃到念念不忘既涮涮涮...

這種真正燒炭(支煙統入面真系燒緊炭架)的火窩,相信越來越少了,雖然那天天氣又轉熱,但無損我們的興緻



左:羊脾(划艇推介),右:羔羊片,上:支竹,下:土豆粉條,另加一籃雜菜,1 枝啤酒,鴛鴦底,埋單成200蚊,(又想當年:10年前2個人食60-70蚊乍)



結果:食剩半兜粉條,兼飽到阿媽唔認得!

但原來一山還有一山高,見隔離枱,兩大人加一少女,三碟肉、一大碟薯仔片、一大碟鮮椎山片、大串串燒若干串、大碗麵兩碗、菜兩籃、啤酒....嘩!好擦得~~



祈福食街蒙古包