網頁

2011年1月29日 星期六

新舊交接



        自從買了新爽雞,舊爽雞從始便打入冷宮,今天無意中拿出舊機的SD卡,才發現有些未post過的爽爽,基於食得唔好晒的原則(雖然質數同新機差很遠),今天都將舊機D貨尾出埋

Bill Bill招牌姿勢 - 兩手 fing fing

阿Bill媽:Bill Bill,做咩咁呀?

Bill Bill:琴晚通頂囉!



Bill媽:抵你啦,成晚唔訓,系樹標來標去!

Bill Bill:你唔明架啦,禾呢排接左新job,要操fit D先得。

 


Bill媽:接新job? 典解我唔知既,喂!講明先,你私下接job,我都要抽佣架!

Bill Bill:禾都知你系咁架啦,份新Job咪就系做你部新爽雞個毛豆囉!

(以下D爽系新雞)



Bill媽:哦!我仲以為你唔記得我呢個金牌經理人添!

Bill Bill:禾都無你咁好氣,諗諗下,都系同去搵周生做禾經理人好D!



呢個都系Bill Bill既招牌姿勢 -  反手訓

2011年1月24日 星期一

我的鄰居 - 12

    

        剛過去的2010年的聖誕節,划艇高手在鄉間蝸居過了一個寒冷的假期,每天溫差很大,早晚十度以下,假期第一天,下著毛毛細雨,所以沒有出外,第二天雨停了,還出了太陽,見無所事事,又去探探我的鄰居...

         聖誕期間,家家戶戶都擺放了應節的聖誕花,這小朋友探個頭出門外,看看外邊有誰在攪攪陣



原來佢行過,第一次見狗狗鴛鴦眼,右眼藍左眼黃,可惜我的角度不好,影唔出鴛鴦色,狗狗一見我呢個狗仔隊,即刻掉頭走



仲有呢一戶養的綿鯉,屋主話這裡有過百條,個池有十幾尺深,Bill爸說這些綿鯉是全村最靚,次次Bill爸行過都睇到唔願走,咩丹頂、咩秋翠、咩茶鯉、咩大正三色,我全部都唔識



最後又去探探六小福,好難得一次過見到四小福



在自家門口晒太陽,真C服!
















這假期連埋大假一齊放,一共放了7日假,天天do nothing,日日瞓到自然醒,放完假返到office,又要埋年結,又要audit,先知死!

2011年1月19日 星期三

煎蠔餅



       2011年元旦之日,家裡人搞了個大食會,地點當然是老媽子老屋,亦祇有她那裡才容得下這麼大棚人,咁arm有人元旦生日,順便興祝埋,不過這都不是我想寫,我的主菜是 - 煎蠔餅,有人request要食,所以情商老媽子,再示範一次(上次做冬阿媽做得太怏 影唔切),村料最重要當然是蠔仔,但不要太大隻,有種叫珠蠔的就最arm。還有薑、蔥、蒜仔、芹菜



和大量蕃薯粉,



再加上鹽、糖和豉油等調味撈混(Bill婆婆同Bill媽一樣,整野食無份量,Bill媽個d叫斷估,Bill婆婆個d叫經驗)



先爆香薑同蒜頭



跟住倒適量混合料落鑊煎,鐘意煎得香D脆D,適隨專便,以下由Bill婆婆示範


話咁快,搞掂!



同場加影.....花甲炒花甲

src="http://hk.l.yimg.com/hk.yimg.com/i/icon/16/21.gif">



攪左幾日,終於成功由youtube度paste落番個blog度!Ya!

原來我部notebook 太out,要系youtube轉番舊版先睇到embed個icon

在此特別嗚謝:多謝仔仔媽不嫌我煩,耐心指導! 

2011年1月15日 星期六

試機 - 4



          今日陽光幾好,再攞部機出來,再請埋全家唯一毛豆來試下,不過個毛豆唔系幾合作,後來無意中發現部機折射左一點光系牆上,當堂引起Bill Bill 既注意力



但系Bill Bill撲來撲去又系唔到對焦



索性攞枝laser 筆出來



銀毛 Bill ? (其實系爆晒



點解Bill Bill忽然 "佬" 左咁多既?



Bill Bill:人地話唔好系下面影上去,好肥架!















Bill媽:OK,OK,上面影落去吖嘛!



Bill Bill:系啦,呢個系禾招牌look,阿Bill媽唔該幫禾register 左佢!











2011年1月10日 星期一

木耳蛋花湯



         聖誕節老媽子跟我回了鄉間蝸居,因天氣太冷盡量沒有出外用膳,有老媽子在身邊當然要攪攪"舊"意思,整下D家鄉,其實這並不是甚麼特別,祇是一個很普通的滾湯,因福建人沒有老火湯。

系街市看見有新鮮木耳or雲耳? 一邊閃令令,一邊毛茸茸的像絲絨,十分漂亮



洗乾淨後加水煲滾



腌少少肉末,



加兩隻蛋發發佢,or多少隋隨意



再一匙更一匙更筆落個煲度



一滾起加調味同蔥花&/or芹菜粒,咁就食得架啦,快靚正!



呢個湯系我細時阿媽成日整俾我地食,以前唔鐘意食雲耳(阿媽叫佢做木耳),所以唔識欣賞,大個之後先知佢有益而改觀,其實爽得來又淋淋地,都幾好食,又有益!

2011年1月5日 星期三

Bill Bill去旅行

        

         每逢有長假期,Bill媽都會返鄉間蝸居住幾日,剛過去的聖誕節也不例外,但自從Bill Bill來到之後,出發前執行李,都要執多一件...

大家不要誤會,Bill Bill是不會跟我們去,他有自己專用渡假屋 - Bill姨媽屋企是也。

你地估以下三件行李,邊件系屬於Bill Bill?



當然系一大一細兩件啦!Bill Bill的行李之中,除左有貓糧,貓砂,抓抓棒同玩具之外,最重要有D咩,大家睇下



就系呢D的網網啦,因喪標之名,唔系浪得架!雖然Bill Bill唔鐘意外宿,除了頭兩三個鐘會呢底,之後如系Bill姨媽屋企住超過一晚,就開始喪標架啦。

Bill 媽:Bill仔,你check下D網網夠唔夠數!



Bill Bill:Yes, Mami, 夠就夠啦,不過,唔去Bill姨媽度得唔得呀?

Bill媽:Bill Bill,你乖乖地系Bill姨媽度住幾日,阿Bill媽好快返黎接你架啦!



其實我想每個貓奴都有呢個煩惱 - 出門前主子的安排,睇見Bill Bill的眼神,真系覺得對Bill Bill不起,好在Bill姨媽一家人都很錫Bill Bill,Bill Bill在Bill姨媽家有間私家套房,貴賓級待遇(有三個貓義工服侍),所以Bill Bill在她家絕對放心。

如果可以帶埋Bill Bill到鄉間蝸居去渡假就好lu!







2011年1月1日 星期六

冬節2010



          2010年冬節因為還有假期剩,所以特地放了一天假,幫媽媽手煮飯敬祖,一早到媽媽家時,她已經分別煮了咸甜兩煲湯圓。

這是咸的,雖然賣相不好(因煮起很奈,湯汁被湯圓索晒),卻很好味,裡面有冬菇、自制豬肉丸、菜絲、蠔仔和麵線



另外一煲甜的,我覺得湯底沒有廣東湯圓那種薑湯底好味,但湯圓本身很煙Un,不太甜。

















跟住馬上洗手,第一碟是炸豬肉丸,可惜因為炸的時後是用手唧,成手痴痴立立,影唔到製作過程,味道當然一流la,不是潮式豬肉丸那種彈口的口感,剛炸起時外脆內軟,鬆化可口,一邊炸,一邊食,食到依家仲喉嚨痛中...



第二碟是煎蠔餅,與潮式蠔餅不同,沒有鴨蛋,勁多蕃薯粉,因為我們福建人很喜歡吃那蕃薯粉,我媽說粉不夠不好吃,裡面還有芹菜和大蒜,不是蒜頭,是綠色像蔥但扁葉那種,鐘意的人就覺得勁香















接下來是炒冬粉,即炒粉絲,料頭隨喜好而下,一般我媽多數落肉絲、冬菇、蝦米、菜絲等,最重要是用有味的湯頭,如雞湯之類,因粉絲本身沒有味道,像我媽這種知慳識儉的家庭煮婦,當然會用最環保的材料,就是用焯蝦的水,



還有其他一般雞呀,魚呀,炆冬菇豬手之類,因沒有甚麼特別,不述,但系攪左成朝,終於攪左成枱出來。

登登登登......



其實冬至之前三數天,老媽子已經來回街市很多次,還蒸糕煮粿,這些年來,媽媽的身體已大不如前,做一次節都很辛苦,叫媽簡單點或出外吃,媽都說要做到不能做為止,這份執著和堅持,我們後輩真是不能理解。

很久沒有和媽媽一起煮飯,其實大部份是她煮,我祇是洗洗切切,跑跑腿,兩母女一邊煮,一邊閒話家常,為家人做一餐飯,雖然辛苦但很開心。