加拿大東一省13-24Sep2011之旅 - Montreal Ottawa Parliament

15-16 Sep 2011 - 第三、四天

這天告別了多倫多友人，乘灰狗北上Montreal去探另一位友人




原來灰狗是不設劃位，採先到先得制，因此一早便到車站排隊，誰知在渥太華轉車時，沒有足夠時間和坐位(因渥太華也賣飛上客)，竟然轉不上車，結果要等下一班車，還要等多一小時，當時已是晚上10點幾，唯有在車站附近買點東西吃.......

美加一點東西都咁heavy，我們一行五人share了两set




到達Montreal時已深夜12點幾。由於太興奮，朋友沒有直送我們回家，還帶我們上山看夜景，但此時划艇高手的相機可能太疲倦，又可能我未懂夜景操作，拍不到Montreal 的美麗夜景。

最後朋友帶我們在當地一間bagel店(半夜都未關門)，買了明天的早餐

正宗猶太人開的bagel店，據說bagel是麵粉加水而巳，沒有發粉或任何添加劑，口感是比麵包實，喜歡有趙頭的人會鐘意吃

       


第二天早餐後，朋友一早book了架7人車(原先想 join local tour，但暑假後不成團)，真正加拿大之旅 - 出發啦！

先攪掂個GPS 先

第一站 - 又返回昨晚轉車地方 - 渥太華

朋友說來加拿大不去渥太華等於無去WOR，於是又坐两個鐘頭車，返回昨晚轉車的地方，來渥太華又怎能不去閣會Parliament

唔使入場費，還有免費靚仔導賞員講解

咁靚既建築物，當然狂影爽啦

呢度系人地開會既地方 - 無人開會都要安靜



條通道系去圖書館

門入面系圖書館，更加要靜、靜、靜，同no photo please

仲可以坐電梯上塔頂望下渥太華city view

参觀完閣會都己經下午3點幾，忽然傳來陣陣香味，原來是當地熱狗車，橫樹未食飯.....

即叫即制，勝在熱辣辣，醬汁任加，我加在酸青瓜蓉、洋葱和橙色的酸橙色燈籠椒絲

仲有呢個肥CC的芝士汁薯條

加埋杯超級大汽水，簡直飽到上心口。

完了這個景點，便直奔是晚客棧 - Hotel Ambassadeur, Sainte Anne

  

   

加拿大東一省13-24Sep2011之旅 - 到達篇 + 咸烏冬

   雖然加拿大不是香港人的旅遊熱點，但還是有她吸引人的地方，划艇高手今次應了友人差不多20年前之邀，於中秋節翌日，踏上這趟東一省(原先打算東三省)之旅。

第一、二天 13-14Sep 2011 - 多倫多

一到步，朋友的X千呎大屋，羨慕C住500呎蝸居的划艇高手.....

放下行李後即時去吃飯，因為在多倫多的時間不多，一天两晚(連自由行都無咁緊張)，不是約朋友吃飯就是行Mall，連一個風景點都沒有時間去！

其中這間食肆金碧輝煌到像澳門賭塲一樣，我們在這裡嘆早茶

呢度Ｄ點心水準極高

另一間食龍煆燒鵝餐



划艇高手最喜歡的超市也掃了幾間

抬了一箱桃沿途食，正！

行到攰，嘆下咖啡高茶， 個Bagel 又脆又有玉桂香，但個冬甩甜CC，個雞卷勝在夠健康

朋友買了三文魚回家，與蜜瓜一起吃，絕配！

就這樣過了第一二天。

****************************************************************

今次行程的一個特別之處，就是第二天晚上，很唐突地約了在多倫多的烏冬媽，咸貓咸到加拿大，相信恨C很多貓友，特別系甘太 

烏媽由頭至尾都害羞地呢系柜底唔肯出來，佢個花花鼻很好認

烏冬聽見聲音，從樓上下來，行到一半，見到我和Bill 爸這两個不速之客，即時窒住樓梯中間，氣氛凝住超過5分鐘，定左格唔上唔落



定格樣好攪笑，

不過難掩其靚仔斯文 look

烏冬: 呢两個傻佬傻婆唔知系樹攪咩，依哇鬼叫又同阿媽雞喙唔斷咁，仲猛咁影我爽爽，唔該俾番Ｄ版權費烏冬媽

典都要合照一張先叫完美

好多謝烏冬媽熱情招待，連Bill Bill 都有禮物收，真系唔系幾好意思！

   尚有少少遺憾就是見不到烏咪和神雕俠侶，不過唔緊要，希望有朝一日會有機會見到佢地啦，呢個世界講唔埋架！

隧道

   卜主外遊未返，繼續存貨頂擋

  上次貓聚七媽送的禮物，綠色隧道一條，第一次打開時，因為沒有心理準備，一下彈左出來， Bill Bill和Bill 媽都嚇了一跳，不過觀察一陣之後....

Bill 媽: Bill 仔，七媽EE送俾你架，快Ｄ多謝EE啦！

Bill Bill : 多謝七媽EE，唔，等我睇真Ｄ條隧道先 ！

Bill Bill: 條隧道黑mun mun，禾又灰mun mun，玩僕呢呢就最好啦。

Bill 媽: 咦，你地貓地咁鐘意同隧道玩游戲，不如諗諗有咩攬下仲好啦！ 

Bill Bill :好簡單啫， 全港依家得三條汽車過海隧道，如果用埋呢條隧道黎過海，每次收番10蚊8蚊，淨系俾Bill 媽D貓友專用，都夠發！

Bill 媽: 系lor，你繼續諗啦！

跟住Bill Bill就好有心機咁諗諗諗.....

我的凍啡

Blog主外遊， 呃blog一篇

話說夏日炎炎(寫個陣系夏日)，最想飲的凍飲

划艇高手公司本來有一部租借的咖啡機，但由於幫襯的同事不多，公司cut cost 便把咖啡機cut 掉，機器搬走之日，租機公司把裡面的咖啡留下，衹取走機器，貪小便宜的划艇高手便把咖啡帶回家.....

放2羹咖啡落茶包袋



跟住放落水度

加一杯清水



煲至水滾



再加咖啡糖落杯先



倒入咖啡攪勻



用另一隻杯加入大量冰塊



倒入咖啡後加入適量花奶



呢杯就系 － 我的凍啡

Bill Bill：禾唔使飲咖啡，夜晚都可以行必唔使瞓！