網頁

2012年5月31日 星期四

加拿大青口 + 日本蕃薯


  
    城中百貨公司大減價,又點少得划艇高手份呢,這天沒有去沙田總店,就近近地去了新浦崗分店,見到有急凍加拿大青口,記得幾年前去閒人移民紐西蘭的姐姐處食過,原汁原味既做法,於是買包試下,好似系4X蚊,有2磅重


手快快拆左膠袋先見到原來袋後有個隆,整穿佢就可以成包放微波爐叮,


既然個袋爛左,索性倒出黎洗洗佢,因為始終都系貝殼類,洗下刷下安全D,清洗途中有隻八仔又黎八...


真系比隻俾佢玩又走都走唔切,唔知典解Bill Bill對D蝦蟹貝類好似好怕咁


原本想話比大家知點樣整原汁原味,點知唔記得影,唯有口述:

將D青口倒晒落個煲度,擒蓋加熱焗熟,水呀,調味呀咩都唔使落,間中攪幾野,因為D青口會自動出水,個袋說明書話5分鐘食得,將timmer set左4.5分鐘,熄火焗半分鐘,食得!



淨系青口點夠飽,仲有呢包主食,熊本蕃薯,$18.X


蕃薯典整我諗唔使多講啦,不過上次去十九涌見人用電飯煲蒸,划艇今次都系蒸,用左10分鐘


再加個罐頭忌廉湯就系週末晚餐了。


試食報告:

呢D急凍青口,同我上次系紐西蘭食果D新鮮青口,完全是兩回事,無鮮味,無甜味,唔知系咪我煮過火,有D老,仲好咸,定系我倒晒D nature juice(因為覺得浸住D殼污嘈)? 定系呢種blue mussel 同紐西蘭果D唔同,根本唔岩咁整,可能用忌廉煮會岩D ?

D蕃薯我蒸左10分鐘,切開好似腎腎地,再放番落鑊蒸多5分鐘,個look還是腎腎地,但食落又ok,無渣,幾滑,甜,但好似還是欠左D野......呀!香味,無香味!
划艇高手都系鐘意祖國D雞蛋黃蕃薯,糖心,尤其街邊D煨蕃薯,焗熟會流糖膠果D.....
紫蕃薯都唔鐘意,又系嫌唔夠香。

2012年5月28日 星期一

除罩日



過左大概1個星期,Bill Bill R頭之症終於痊癒,這天 -  是除罩日.....


Bill Bill :哼!呢個C人罩,C佢!




Bill Bill :攪到禾成個禮拜洗唔到面,冲唔到涼,今日終於可以洗番夠本.......



洗呀洗........



Bill Bill :呀!差D唔記得,一腳伸左個罩落地先!


成個禮拜無得洗臉又真系好慘既,大家睇下Bill Bill 一除左個罩之後典樣狂洗臉


2012年5月25日 星期五

合家歡南沙2天遊 19-20 May 2012




   印象中好似未參加過閒人家族的旅行,今次可能是第一次,有人吹雞,祇要報名同銀行過數就攪掂,同自由行果種事先準備工夫差好遠。

   舒舒服服過了落馬洲關口,早已有旅遊車在等侯,今次參加內地美食之X,呢個團有2架旅遊巴,第一站是南沙天后宮,話時話,划艇高手在國內(番禺)買樓已有20年,還是第一次去南沙天后宮.....

遠處那條橋就是虎門大橋








夏天的花,火辣辣
 

放在神前的,又如此清涼


大雄寶殿在半山上,清風陣陣,連燈籠都吹郁,彷彿要
吹走塵世的濁念


好簡單的心願




可人的慾望卻無窮無盡!


停留了約1小時就走了,想上埋個塔都唔夠時間


中午系廣州亞運村度食  ,其實仍在番禺



舅父新推介......團餐無得食


大家估下呢個燒石春,究竟食咩呢?


去片


有無被搵笨的感覺 ?


其他餸 


飯後參觀九江酒廠,


酒廠內的擺設都同酒有關




導遊話呢個酒程過百年



潮流興cross over,佛山陶瓷 X 九江雙蒸



都幾得意,仲想買來送禮,典知一睇個價錢牌,嚇CC!














跟住去三水睇臥佛 



個佛有幾大,睇下比例就知


其實還有地方行,但是又系唔夠時間


來張大合照 ,除了移左民的大家姐,5兄弟姊妹+另一半,齊晒



 
 落花遍地,咩花


有無人知?花



好快又到晚餐時侯,
白切雞,永遠最簡單最好味


懷舊菜 -  蒸豬脷


梅菜蒸豬肉 + 白豆角墊底


導遊話香港人食菜要少鹽少油,所以咩菜都用saap,連椒絲腐乳通菜也是saap




是晚酒店在佛山南海,上網摷到有個blog友有詳細介紹 

開業不足1年
 


第2天早餐是酒店buffet,居然唔記得影相,美食團的好處是無咩行程,如果唔食早餐可以瞓到退房前,11:00退房後又驅車去中山小欖食順德菜 (怪怪地)


大部份的餸都是蒸,還是現場在桌面蒸, 蒸雞、


蒸魚、蒸蝦, before


after
 


仲有咖哩蟹 + ...


油炸鬼,呢個配搭又幾新鮮


食完飯到行程最後一個境點  - 南沙十九涌, 這裡是漁民批發市場,慢慢發展為旅遊境點,海鮮、



水果、



農產品、  (番禺盛產蓮藕 &番薯)



有靚packing,唔使擔心整污嘈


乾貨咩都有得賣


中間果盤叫做螺,讀"類" ,即大黃沙蜆乾,聽說煮瓜很甜,划艇當然唔執輸,第日試左好唔好味再話俾大家知






又見到D上岸艇,羨慕ing....


上車即時分享戰利品,好甜呀!!!


回深圳已經晚上6點幾,我們還加錢食埋晚餐才回港,呢個系鴨舌



蓮藕後面果碟是yip醬油蘿蔔,諗起細時阿媽成日整。


兩天行程完滿結束。

其實 睇番個行程,都幾緊湊,差不多成個珠江三角洲都行勻

行程:落馬洲 - 南沙 - 九江 - 三水 - 佛山南海(住宿) - 中山小欖 - 南沙十九涌 - 落馬洲

不過,食咩玩咩唔重要,最緊要系同咩人一齊,今次閒人幾兄弟姊妹一齊去,沿途笑聲不絕,開開心心,年尾如果移左民的大家姐回港,有時間的話一定要再攪多一次啊!



試食報告:

唔知系咪閒人浸唔透,好un,味道甘甘地,但無淡菜甜