合皮哈佬喂

出Bill Bill 個計樣應下節，大家驚唔驚！

合皮哈佬喂！

上海粢飯

    放假食雜糧，似乎是規矩，參考網上食譜，好似好簡單，特登走去買一斤散裝糯米，試玩.....

呢度一殼米，題外話，呢個洗米兜，用左好多年，人仔2蚊，唔會刮花電飯煲，超好用

都市人，乜都要快快快，參考快速食譜，用熱水浸半粒鐘

放高速煲蒸8分鐘，

蒸完8分鐘好似未透 ，再加多2分鐘，攪掂，但太熱了，要攤一攤


呢個時間準備其他材料


最好玩的部份....

加埋炸菜後太展章，唔記得影相就碌埋左

一肥一瘦，
肥的似Bill媽，瘦的似Bill爸

 + 豆槳 = 天作之合


最後瘦的我吃，肥的Bill爸吃 

無難度，簡單易整，雖然賣相唔靚，（可能要多D實習 ）

信我 ，真的很好吃。

家法

    大家還記不記得粵語殘片常常見/聽到：
  
家法侍侯！

    咁就有家丁or妹仔捧住呢枝野出黎

在街市見到呢樣野，賣$3，唔使考慮，即俾$ ，印象中細路哥時賣幾毫子

請大家不要誤會，不是Bill Bill曳，而是Bill Bill真的太喜歡條狀的東西，平時划艇會用宣傳單張，捲成一枝枝咁既野俾佢玩，系咪好環保呢?

Bill Bill：呢D就系禾既一部份家當，晒少少冷先！

Bill Bill：枝新野手感都唔錯


Bill Bill：口感....mmmmm...還可以 ！

唔知大家細時有無俾阿媽打? 打得多唔多?

   講起來慚愧，划艇的童年年代，個個小朋友都是打大的，記得家中二佬是打得最多，皆因至un皮也，划艇是4兄弟姊妹中打得最少果個 ，並不是因為最乖，而是Bill婆婆掛字搵食，唔得閒理，以前都是大湊細，家姐負責煮飯，划艇就成日跟大佬出街玩，有次大佬同同學仔合資（靜雞雞）買了部單車，擺了划艇坐單車尾，之後跌到一卜一碌咁返屋企，結果可想而之，當然是家法侍侯，兩個都打到飛起，呢件事，週不時同大佬回味架！

曬果皮

   放假逛街市，是指定的動作，這天，行過乾貨區生果檔，到處飄著一陣清新果香，抬頭一看........

嘩，果皮陣呀！

    這時候新會柑當造，整個街市都在賣........它的皮，果肉？對不起，通通餵垃圾桶，當今甚麽都講環保的年代，很浪費啊！

在fb 見公主媽同同事合買一箱，不知製作可順利？

見可以散買，$12 两磅，不準揀，划艇手痕痕，於是買两磅玩下！

两磅有11個

用厨房紙抹乾淨，呀

即日啃左5個，無想象中酸，但系多核多渣，剩番6個，咁可愛，點都捨不得掉，放保鮮盒入雪櫃

Bill Bill : 至憎，成屋臭晒



Bill 媽: 臭你又要烘咁埋


生果檔老板說起碼要两年先食得啊！


咁咪岩岩上岸先食得！