悠閒週末 - 1

       春節過後第一次返鄉間蝸居，感覺上少了過年那種熱鬧氣紛，卻多了一番悠閒味道。

例牌探探街坊...

可能小可憐得到主人歡心，終於可以入宮（入屋），所以肥肥白白，優優悠悠坐於花園中

鄰居種了玉蘭，開了滿枝，


 

 

為了不想破壞他條 mood，沒有呼朋喚友，出市橋（百越廣場）試了間新店，一坐下，見到有一幅很漂亮的飛天畫，可惜那排燈，大殺風景，厚著臉皮跑到柜前，快快手手影幾張

又好似太近，這麼近，那麼遠，大概就是這樣吧！

這店有一個很好聽的名字 - 水沐蓮清

點了一壺鐵觀音，精緻白瓷茶具，很多時覺得品茶好像小時侯玩煮飯仔，而且是合法玩水

也不知道那樣好食，就叫了點心紙上mark左大手指的試

這裡賣茶，茶香鴿也有幾種，但我覺得茶香味不甚了了，反而鴿肉質地很嫩，很滑，

跟住大家估下這是甚麼

鱷魚腸是也，同平時打邊邊D鵝腸一樣，又系無味，得個爽字，加上又系唔系都放D茶葉上去，怪怪

呢個叫金蠔海草煎餅，如果唔食蠔豉既人會覺得腥，家裡閒人話腥味是來自海草，我覺得是海苔，個餅其實煎得幾香，這個我OK

以下這個要學阿So俾個交叉佢

忘記叫咩餃，皮淋餡凍，四方一粒粒D系豬油渣，

細時好鐘意食豬油渣（依家食呢樣野簡直是罪大惡極，十惡不赦），記得阿媽熱辣辣炸起，我們幾個小鬼即刻搶來食，那種叫童年回憶...

可惜這豬油渣....唔...齋睇個樣都知no good

最後個腸粉（有D雜菇絲系裡面）中規中舉，無驚喜，

食完埋單（99蚊人仔）先發現在食肆外場貼上十大必食推介，我地一樣都無點到，真失敗！這裡雖然比艇划高手食開D平民飯堂貴，但感覺良好，最重要系十大推介無試到，So,  I will be back!

之後逛左一輪街，在到商場另一面有幾間西式露天食肆，

依家正值春暖花開，有花舖把商品直接放在路邊和兩旁食肆

引來蝶舞翩翩

見行到地，找一家麵包店，坐低嘆杯咖啡，歇歇腳，呢間有法國路邊feel，店內還可以免費上網，西洋文化日漸打入大陸，連番禺呢D小地方都開始洋化起來，我們也來洋化一下

冷熱咖啡都系8蚊杯，水準一般（cheap鬼划艇高手唔飲貴野，有拾幾廿蚊杯架），右下角是綠茶奶凍，試食唔水錢，nopay OK，左下是酥皮腸仔￥4.5，D酥皮很有水準，又唔肥膩，

見D酥皮咁正，再來一件乳酪酥皮， 淡淡芝士味，不太濃，連不好芝士的家裡閒人都可接受，

D麵包實在太靚，問准絰經理，入去影影影

呢個乳酪撻，划艇高手第二日買左番香港，好正！

仲有好多靚靚芝士旦糕

同靚靚古古力

實左太靚啦，好在有個"肥"字當頭棒喝，如果唔系，後果真是不堪切想。

間餅舖中文叫綠葉居，又系連鎖店，仲有個英文名叫Lohas Cafe

仲有更多美食，下篇卜繼續。