出差記

  今年年初，無啦啦俾阿姐叫上京學習(學咩野唔講啦, 總之笑C人），好彩拖下拖下，總算拖到去完雪祭之後，仲夾埋個北京有屋企的同事一齊，公幹前後，有熟人帶住飲飲食食，都算可以平衡番。

一落機，同事蝦子餅來接機，直車酒店check in，間酒店在三環，交通算方便，

北京东直门智选假日酒店
酒店房間雖細(人地蝦子餅話)，但點都比日本果Ｄ大啦，



商務酒店，乾乾淨淨，電視框之後才￥3XX ，無電視框都系￥5XX，包早餐，無要求既話就威哩骨架，仲想點！



枕頭還有軟硬比你揀



窗外日與夜

 

放下行李，當然馬上去吃晚飯啦！

第一餐，天寒地凍，同事話去吃涮羊肉wor，咁梗系go go go

同事蝦子餅帶我們去了間據說不對外開放的飯店，所以都唔知叫咩名，不過管他呢！

呢個叫醬蘿蔔，喜歡吃yip菜的人一定話好吃



呢個中間黃色部份是咸蛋黃，外面包住豆腐干，切左片變乾屍，咸蛋黃不太咸，配上很有豆味的豆腐乾（其怪國內的豆製品都很有豆味，香港的豆腐之類祇有滑，但無法做到有豆香），細嚼之後，滿口甘香

仲有個熏鴨太好味唔記得影，以上3樣據說是正宗地道, 吃北京菜必吃前菜

呢個拌魷魚so，應該不是京菜，不過唔知系咪肚餓也很好吃

主菜來了- 羊羊羊

主人家應該有介紹D羊肉系咩部位，可划艇呢D粗人邊會記得，祇知好好味，還有說這些羊都是現殺.......罪過罪過！吃素的人見諒啊！

雖然划艇唔食牛，不過呢碟肥牛又真系幾靚

唯一可惜不是用炭爐，而是一人一火。

最後吃得飽飽暖暖的回酒店交豬。


第二天學習完畢，（中午人家請，唔好意思影爽）其實如果說是取經會好聽D，從機場出來已下午4點幾，老實不客氣請人家送我們到王府井。

話晒都是首都，商場物價比划艇高手住的南方城市貴，不過也有例外的，好似呢D酸奶，大大樽才5蚊人仔，次次來都想試，但又怕不衛生（全露天擺放）和三聚青氨，這次有同事（其實本地人天天吃）壯膽終於試了，果然好味。

呢D京點也不貴，買的人人頭湧湧，看樣子很新鮮很好吃，可惜剛才的酸奶已經攞唔番出黎，還要留肚吃今晚果餐，祇好作罷。



終於等到晚餐時侯，同事建議吃烤鴨，當然無異議啦，於是去了+成哥的東方廣場內的酒店長安一號，原以為無訂位都有位很幸運，誰知無訂"鴨"無得吃，結果坐低後襯未開茶就....sorry.....閃！

最後去了吃大董烤鴨（在京城有多間大董，但划艇不懂那一間）
呢個場面原本幾壯觀，可惜划艇高手唔識就個返光玻璃，影唔到d氣勢，有請各路有識之士
賜教！



裝修擺設一流



先來涼菜 - 醬碲，叫了一人份share，有4薄片，味道普通



芥未鴨掌 - 呢個芥未味微微供鼻，鴨掌無骨青爽，



炒毛豆 - 成幅畫咁，但可能毛豆是青淡之物，除了上面一條條既炸蝦米之外，無咩味道

   

呢個海折頭是炒的，也是賣相很靚，但還是涼的好吃



呢個又系唔知咩牛蛙，又系一人份，普普通通



主雀出場了，登登登登

典解好似系S 碼咁既，唔覺?



看廚師手中碟的比例就知



半隻就系得咁多啦！



呢個送既，中間空心，但系祇得兩個



個蒸籠入面果D就任叫



任叫既仲包括呢個靚湯，和味香濃



初初仲以為兩個人食半隻鴨會食唔晒，還盤算如何把吃剩打包，典知.....

一陣間便上了水果......

這沙糖桔在我鄉間蝸居買10蚊3斤，但從沒想過可以有這種霧化的視覺效果。

呢餐两人食左￥5XX，都幾貴！

最後一天回港前同事帶我逛酒店附近的世貿商場or廣場?，其實為食的划艇高手的興趣也是商場最底一層 - 超市，血拼一輪就隨便在商場內一間叫"綠茶"的食肆吃午餐。

這間是吃杭州菜的，但餐牌上都有中港台的食物，連港式冰鎮奶茶同台灣厚多士都有得吃，裝修卻似西藏+雲南feel，奇奇怪怪！



食物倒是OK的
香濃豆漿，豆味濃郁，Bill 爸話齋夠蜜味

涼伴皮蛋豆腐，豆腐滑嘟嘟，黑色果層就是打碎左的皮蛋，有少少份子料理feel



又系熏鴨，今次記得影啦，越趙越好味

唔記得咩烤魚，少少麻辣香，條魚香脆得黎夠juicy，正！

鑊仔炒椰菜花，夠晒鑊氣。題外話 - 青柄椰菜花比來路白柄果Ｄ好食好多架！

呢個龍井蝦仁真攪野，碗蝦仁裡面果粒黑色野是茶葉，荼壺裡裝的不是龍井茶而是味精湯，



可能入座時時間尚早，未夠12點，無咩人，但食完出黎時見有人在排隊等位，盛惠￥14X，認真抵食！

總結今次行程：自上次09年北京old cake之旅 至今，不經不覺已過了是3年，北京也改變了很多，商場名牌進駐，食肆重裝修外觀，民生更不用說了，富貴了很多，因為如果無這股強勁的demand，又點會有如此強勁的supply呢?  強國人嘛！

看來香港想掹車邊做強國人子民就要揸多D油鳥！

最後還要嗚謝同事蝦子餅，請左划艇高手食左两餐豐富大餐，其他同事如果路過此blog，不要妒忌唷！