發表文章
8月份暑假天，同事們紛紛輪流放假，划艇高手也holiday mood，無心工作，好不容易捱到週末，即上鄉間蝸居渡週末去！
第一件事要做就系理一理頭上堆亂草，30蚊人仔per head洗剪吹，這裡個師傅也幫襯了多年，唔使講點剪，一坐低就自動波，剪完成個頭當堂都輕左。
之後因有order, 剪完髮便出了市橋，已到中午，當然醫肚先啦，夏天出汗多，上茶樓灌水灌番夠本......香茜餃，划艇至愛，居然有5粒咁多！
紅棗腰膶布拉腸 - he he 香港不會吃，在big six 放肆一下
薑汁煎軟糕，薑味濃郁又煙Un軟熟，好味
還有這個蛋煎糭，充滿童年回憶！
4碟點心 + 2茶位才￥44，今時今日仲有咁既價錢，真是意想不到。
飲完茶，完成order, 去揼番两粒鐘.....
揼到散散地，返回祈福又到晚飯時間.....
有人想叫雞，走去搵丹哥，半隻清平雞，白切最好吃，仲有，如果可以好似佢咁，一丁點脂肪都無就好了
葱油鱸魚，條魚起晒骨，淡淡肉
再加個蝦醬啫芥蘭片，足可下一大碗飯，呢餐￥10X
第二天得番半天時間，都要去探下Ｄ街坊.....
天時暑熱，Ｄ friend 唔知呢晒去邊，忽然系個花盆中見到....
睡得很香啊！
忍唔住，伸手摸一把....
邊位呀？
Bill爸話，正一擾貓清夢！
然後再去街市買條青瓜今晚整炸醬麵吃，系街市舖頭見到呢個靚仔，大家留意他並沒有困籠，祇是個貨架up side down，靚仔可以自由行
靚仔一見我拔槍，即刻伸個懶腰，
走出來和划艇打招呼
據靚仔主人說，一年前用10塊錢在市場買回來，想不到靚仔是個嗲精，主人說可以抱1小時不跑的，咁.....即系主人試過啦！
註：他的主人是個男的
呢個靚仔真系很乖，見有客會出來招呼，任摸任咸唔嬲，還企定定俾我影相，可划艇太展章，手震震，張張都....
應酬完客人自己入返個籠度，真系抵鍚！
靚仔主人仲話，買的時侯也不知道，如果靚仔沒有白手套，全隻是貍花色（即我地講虎紋貓），現在一定值過千，家下也週不時有人想出價相讓，都不為主人所動。
呢個靚仔真系可以用溫文綺雅，風度翩翩黎形容，拿，划艇唔系淨系好女色架！
划艇問主人有沒有幫他做絕育，主人說沒有，因為他的活動範圍不過隔離兩間舖，從不外蒲！
最後划艇祇能盡數絕育之好處，聽不聽入腦，就天曉得了。
最後划艇在另一間舖還買了松子￥80/斤和百合￥48/斤，每樣買少少。
食埋碗豬手河便結束這個週末假期回港了。
今次部份戰利品
Tupper ware(國內法例不可做傳銷，所以這牌子可以在商場見到) 盒 ￥108/8個
TP-Link 旅行router ￥95
Tide 白洗衣梘 ￥10/4塊
雪條模 ￥5.X/4個(1 set)
切蛋器 ￥5
膠刮 ￥3/3塊
pizza 碌 ￥5
焗爐鋼絲刷 (其中一個是膠的)￥7 / pack
炭牙刷 ￥9.X
首領不準笑我未買焗爐買accessories！
:) 
:( 
;) 
:D 
;;-) 
:-/ 
:x 
:P 
:-* 
=(( 
:-O 
X( 
:7 
B-) 
:-S 
#:-S 
7:) 
:(( 
:)) 
:| 
/:) 
=)) 
O:-) 
:-B 
=; 
:-c 
:)] 
~X( 
:-h 
:-t 
8-7 
I-) 
8-| 
:-a 
:-$ 
[-( 
:O) 
8-} 
2:-P 
(:| 
=P~ 
:-? 
#-o 
=D7 
:-SS 
@-)
L-) 
:^o 
:-w 
7:P 
2):) 
X_X 
:!! 
\m/ 
:-q 
:-bd 
^#(^
D食肆衛生OK嗎?我以前好喜歡到B6，但是腸胃差，吃東西後就拉肚子。成家人都不拉，就是我拉，可能我腸胃敏感，所以好少去B6了。
回覆刪除[旺旺回覆08/13/2012 22:11:16]次次都中!可能要更更小心才可以。
[版主回覆08/13/2012 19:59:12]其實我也是腸胃敏感的人， 有時喝點凍的也會拉肚子， 不過太為食也不理， 食左先講！
叹美食、shopping，好享受呀，bill妈 !
回覆刪除靚仔又真係好靓仔!
[版主回覆08/13/2012 21:31:55]我都系買 & 食D cheap 野啫
靚仔真系好有氣質！
你 d 鄉間生活, 平,靚得嚟仲咁有素質.....超嘆呀
回覆刪除靚仔喵喵任摸任咸唔嬲,,,,,好識幫主人做生意 ~ 抵讚
[版主回覆08/13/2012 23:22:22]所以叫果度做鄉下，不過近年人仔高升，物價也貴了很多！
我唔番大陸的.
回覆刪除[版主回覆08/13/2012 23:26:55]今年我都返少左，可能熱情過後吧！
見到Ｄ貓，無論識定唔識都好開心。
你幾時買焗爐呀
回覆刪除[小強之家回覆08/14/2012 09:21:51]之前我哥哥日日焗飽做早餐....點知太熱氣, 條脷損晒, 又咳....之後又放棄
不過焗爐好多嘢玩嘅....可以焗意粉,飯,雞, 蛋糕
[版主回覆08/14/2012 09:15:26]我.....想玩焗飽。
[小強之家回覆08/14/2012 07:58:15]我有焗爐, 初買成日玩, 一段時間玩厭, 放埋一邊......
最近玩煮飯, 會用焗爐煮嘢食
好似焗雪魚, 釀雞翼...其實屋企有個焗爐好方便
仲有我見到人有興趣焗嘢煮飯, 自己巧欣賞呢
[版主回覆08/13/2012 23:34:28]你又有興趣？
[版主回覆08/13/2012 23:32:24]我自己系confirm 買Tefal, 但系Bill 爸唔firm 呢，衰到C，唔系要求佢幫我裝個架，我一早買左
貓貓好叻, 識招呼客人
回覆刪除[版主回覆08/13/2012 23:36:31]真系好伙記，今時今日系要咁既工作態度！
瞓係花盤嘅猫，好搞笑
回覆刪除[版主回覆08/14/2012 09:17:10]我呢個貓痴算合格lur 呱，咁隱蔽都見到！
美食, 靚貓, 一樂也, 希望貓咪有好的照顧
回覆刪除[版主回覆08/14/2012 09:17:56]舖頭果隻肯定無問題，花盆果隻就.....
bll 媽,咩叫膠刮...我鐘個雪條模....
回覆刪除睇見碟雞口水流....再望見隻貓直正要爬三碗大飯, 一睇就知佢好環境, 再睇佢就知衣食無憂, 三睇知佢主人好錫佢....
花盤貓個樣好似未回魂咁.....
[版主回覆08/14/2012 09:24:16]幅圖話系D碗碟清洗前刮走d 食送 跡，我諗整糕飽時用黎刮糊都得，仲有其他形狀，士多啤梨呀咁，唔系俾人制止肯定買晒！
個雪條模諗住整紅豆雪條
花盆貓好細，其實日光日白咁樣訓，巧圍冼！
週末返去 hea 吓、食吓、仲有貓貓玩, 真開心
回覆刪除[版主回覆08/14/2012 21:36:27]hea、食、玩貓貓都系我至愛！
至鍾意睇妳嘅街坊貓貓
回覆刪除[版主回覆08/14/2012 21:36:52]me 2 !
其實, Bill媽你都幾識享受喎!?
回覆刪除[wongtw65回覆08/15/2012 08:35:59]
[版主回覆08/14/2012 21:38:31]he he，最緊要開心！
靚仔好掂呀！花盆貓都 ok wor
回覆刪除[版主回覆08/14/2012 21:41:14]有少少想考笠佢返屋企tim !
食雞有雞味 ！
[阿七回覆08/14/2012 10:47:50]碟雞好似好好味
你又玩焗野食?
回覆刪除[版主回覆08/14/2012 21:41:57]想下啫...... going to ......
靚仔再肥d就好似日本果隻網絡爆紅的~Maru,唔做絕育會膽心佢走貓㗎
回覆刪除[版主回覆10/19/2012 09:04:25]世昌酒店，sorry，今日先見到你條問題。
[扁臉貓回覆08/17/2012 12:32:08]好想問你飲茶果間茶樓叫乜野名?
[版主回覆08/14/2012 21:44:26]Maru 鼻上粒墨細粒Ｄ!
照靚仔主人講應該唔會，系怕俾人老笠啫！
蛋煎糭........好正, 超正
回覆刪除靚仔10塊錢在市場買回來
[版主回覆08/14/2012 21:48:48]隻糉有咸蛋，煎完香到不得了！
我由上向下影，可能角度問題。果日太緊張，又掛住同佢主人傾計，所以D相全部唔sharp ( 姓賴)
見到d餸, 流口水, 我對食物的自制能力是最弱
回覆刪除[版主回覆08/14/2012 21:50:33]我都系，幾乎對所有食物都無抵抗力，即系為食囉！
任摸任咸，呢位靚仔真係好正
回覆刪除[版主回覆08/15/2012 08:42:05]最抵錫就系會企定定任影tim，最衰我開心得濟，手震震！
2隻貓貓都好可愛呀~~~~
回覆刪除[版主回覆08/15/2012 21:36:39]系呀
划艇係女性梗係好男（色），
回覆刪除bill bill係男性，所以好女（色）
[版主回覆08/15/2012 21:37:11]雙重性格
好多好野食喎, 個煎軟膏好似好正咁
回覆刪除[版主回覆08/16/2012 22:02:17]he he, 其實即系薑汁年糕，不過好夠薑
D野食好正呀....兩隻貓貓又好可愛噃....喵
回覆刪除[版主回覆08/16/2012 22:03:54]一返去就週圍食，週圍咸.........貓！
d 野食好似好得貢
回覆刪除大陸人好難明why要desex架嘞, 唉
[版主回覆08/17/2012 22:17:23]損窿損la 揾野食，系為食人強項
划艇見親貓都勸主人拎去desex, 叫得幾多得幾多
真係好relax噃！貓哋真係人見人愛！
回覆刪除[版主回覆08/18/2012 18:04:40]哈哈， 得閒去坐下啦!
貓貓真系美麗的動物！
好好味喎....
回覆刪除問題老女問:
請問...係邊樹呢?
點解隻貓如果唔係白手套，要過千蚊呢?
呵呵大陸絕育... 要找安全獸醫先得噃.... 否則，江湖郎中幫佢絕...就唔係幾好呢
想當年我家貓貓都係由一個在村內叫賣似的江湖郎中幫佢絕育，但佢唔用麻藥....我貓貓安全被絕，但應該好痛啊
[busueyip回覆08/20/2012 14:30:30]哈哈如果係咁...香港不少被遺棄的貓貓都係成隻虎紋....拿佢地返大陸可以找到好人家.......
係，記得以前我貓貓那個郎中，佢一手拿住個漁網...網起我貓貓，然後好快手剪左佢，用D藥粉UP住就俾番我地（過程我冇睇實...）...貓貓叫到拆天...仲好兇添...然後幾日都唔睬我地...之後當然係馴左
[版主回覆08/20/2012 08:56:22]呢度系番禺
因為國內人鐘意有個品種叫貍貓，即我地叫虎紋貓，系成隻都系虎紋，如果白手套，就破壞左D紋路
我都聽Bill婆婆講以前鄉下幫D貓狗絕育，系好簡單，唔知點樣割一刀，再用D雞毛加D藥粉up住個傷口幾日就無事，聽落好恐怖。
喺內地有物業又幾好喎！
回覆刪除禾都成日上深圳探朋友！
[版主回覆08/21/2012 21:44:32]he he, Bill 爸成日話大陸層樓系大玩具，買左成＋幾年，自從養左Bill Bill ，加上人仔日貴，就少上左好多，有機會的話，得閒黎坐！