北海道雪祭08-11Feb 2012- Day 1

    說來有點誇張，話說一年前，划艇高手見ＤAsia Miles 積分，快將到期，算來算去，剛好夠分換張北海道機票，拿拿林上網摷資料，那時剛好是上屆雪祭期間，於是馬上訂了今年的機票(可預定一年)，誰知訂好機票後發生311地震，壞消息一個接一個，所有朋友同事卜友，紛紛勸退，當時真的十五十六，直至4月底，航空公司dead line 到，唯有取消，隨住時間過去，人們又好像慢慢淡化事件，到了8月份又死心不惜，又再試訂位，又firm左wor, 雖然不是直航，也很開心，於是.....
第63屆北海道雪祭，我來了

第一天 08Feb 2012 香港 －東京－札幌

因要在東京轉機，所以天未光便一早到機場，(免費就系咁架啦，flight schedule無得揀)，到東京時約下午2點，今次犯了一個嚴重錯誤，就是轉機時沒有看清楚，交完寄倉行李就行security check通道直接入左候機室，結果系候機室呆坐4粒鐘，原先做定功課個terminal 頂樓有好大shopping mall 架嘛！激CC ！

成個domestic terminal 得一間便利店，就得呢Ｄ野可醫肚

到達札幌會合朋友時，己經是晚上10點約好朋友在壽司店等，所以連酒店都不去check in 住，拖著行李醫肚先

日本的壽司，真的比香港好吃，魚生厚切，不像香港4蚊件那些壽司魚生，薄到似燈影牛肉不在講，連飯團Ｄ米都好吃Ｄ，大舊Ｄ



Ｄ海膽多到滿瀉



言語不通，想叫這個

變左這個，還是已經幫我們去左個頭? 不過都很好吃，



呢個唔知咩貝，好爽甜

狼吞虎嚥之後.....

不要嘩嘩聲，呢樹6人前既，平均每人都系6-7碟啫


食飽飽之後才感覺到有力氣同風雪搏鬥 - 返酒店
今次酒店的安排是平 - 貴 - 平，第1晚酒店及第3晚住平Ｄ，慳番$$住1晚温泉酒店，


Chisun Hotel

地下白色部份是結冰的馬路，非常sin，要好小心行， 划艇高手第二天在雪祭會場就PK左一次

房間系細Ｄ，不過唔緊要啦，每晚都系瞓幾個鐘啫，乾淨就得啦

為了想試下好似蔡瀾咁浸温泉時享受頭頂飄雪的感覺，第2晚book左温泉酒店，1泊2吃。
鹿湯   下一篇講。