北海道雪祭08-11Feb 2012- Day 2

第二天 9 Feb 2012 札幌 － 定山溪

酒店check out 後，把行李寄存酒店，由於酒店不包早餐，就在大通公園旁邊一間小咖啡館吃個輕便早餐，便朝大通公園方向出發！

出發之前有朋友說不要對雪祭抱太大期望，可能用半個鐘頭便可以行晒，但划艇高手並不同意，其實個會場很大，且總共有3個會場，由於時間關系衹去了两個，最大的大通會場有成十幾條街，我們一行6人，行行下都失散左，而且冰天雪地對於我們南方人來講，簡直是既神祕又刺激，雖不是第一次接觸雪，但也難掩興奮！

那天早上剛好是公佈比賽結果.....


呢個就系代表香港的作品，返回香港才知道嬴了冠軍！

真的座頭鯨未見過，睇住個雪製品先

 

呢個三個雪人系今次大會的主題公仔

呢3個系路過架乍

呢個有冰火feel - 又熱又凍 

會場裡有幾條這樣的冰滑梯

有工作人員倒沙在地上，以防行人滑倒，划艇就系開心得濟，PK左一次


另一個會場在薄野，這裡沒有大通公園那邊熱鬧，所有冰雕都集中在一條街，而且在馬路中間，不可近距離拍照
 

但系划艇高手支鏡又zoom唔到咁埋，唯有....

就黎情人節鳥

呢Ｄ酒一定夠凍

由於同朋友失散左，同Bill 爸隨便找一家店吃了個極普通既set lunch

唔知系咪天氣太凍，唔使10分鐘就KO晒

吃飽後，回酒店取回行李，拖去是晚定山溪溫泉酒店的suttle車站，（大部份的市外suttle都是在電視塔旁上車，很方便）會齊同行人事，岩岩夠鐘開車鳥。

大約一小時的車程，便到了定山，酒店房間比市區大很多，

welcome dessert，有個爐仔興住，依家先醒起唔記得食添！



打開窗簾，唔好笑划艇高手大鄉理，我地真系嘩一聲架！

由窗口望落去就系露天風呂，穩穩若若見到人影架！

見無咩人，即時掉低行李跑去泡個飄雪温泉浴 

浸完之後成身暖晒，最可惜不可以帶相機入去影Ｄ頭頂飄雪相！

雪祭期間整個北海道都有關於雪的不同慶祝活動，定山溪這裡也一樣，在定山溪神社有個雪灯路，每20分鐘有免費穿梭巴士來回酒店與神社之間，襯未到開飯時間，划艇高手當然不會錯過。




一落巴士就見到两排長長的雪灯路引領到神社

情人節前後當然要來點浪漫氣氛

好想知雪灯是咩做？說穿了就是用冰做的灯罩，中間點了個臘臅

遠望都幾浪漫架

現場有人賣呢Ｄ用玻璃做的願望灯，

這裡也吸引不少人來到參觀，

在這裡hea 了差不多成粒鐘，凍到傻左，剛才浸温泉的熱能已消失用盡，還是返回酒店吸收熱能量吧！

本來Book 左部屋食，但諗諗下我地一行6人，各自返房食倒不如一齊食開心Ｄ，於是......

前面張紙是餐單，總共有十幾廿道菜，

餐單後面有張紙遮著的就是呢盒野，全部都是精心泡製的海鮮，不過不是樣樣都岩划艇高手口味，例如左二黃色果兜，是yip魷魚仔，鐘意蝦醬味的人會喜歡，唔鐘意的人會謙臭。



呢盒中間個檸檬是裝滿海膽，愛Ｃ！



呢籃是今餐主菜，三種蟹，雖然樣樣幾舊，但系食完呢籃野已飽到唔識郁
 

呢個裡面是味噌牛肉，Ｄ牛肉用那塊葉的墊住並用鐵板烘著上，因Bill 媽不吃牛肉不知咩味，Bill 爸說味道一般。


呢煲帶子飯，我地一坐低時還是水 + 米，待應即時點火，到食到差不多時飯也煑熟，其實到時又邊度食得落吖，最後都是食左两粒帶子就算，如果系香港一定打包走 跟住單尾還有飯後甜品水果，編幅有限不說了。


呢餐食左成2粒鐘，飯前飯後磅一磅，總共重左1 kg，都咪話唔利害。

之後返房休息一陣又去浸温泉，浸完温泉成身熱辣辣，加埋室內Ｄ暖氣，簡直攞命，這時落去大堂售賣機買罐啤酒(房入面果Ｄ貴好多嘛)，返回房間打開窗，坐在窗前呷一口冰凍啤酒，讓微微的細雪打在面上，嘩，gur 晒！