清境七股墾丁11-15 Sep 2012 - 5

第五天 墾丁 高雄 15 Sep 2012

今天不做豪客了，訂 了共乘車上高雄，NTD350/位，結果無人共乘，又變了包車，但也沒有收包車錢，差不多兩小時就到了高雄機場了，真抵！

先把行李寄存機場，再吉身坐捷運去市區血拼

第一站，夢時代， 捷運站有免費suttle

為甚麼首選這裡呢，因為網上看到這裡有間大型寵物用品店，典知....去到搵極都搵唔到，商場宣傳單張上明明有果wor，問information 姐姐話執左啦！   毛明媽7月份時去仲系度格，Bill Bill，你唔好彩啦！  無法啦，好失落咁行左一陣，就撤退了。

第二站，醫肚，高雄美食多數是夜市，日光日白都唔知食乜，打開本過期天書摷到間鴨店，不要心邪啊  是真正吃鴨的店，坐捷運，雪一聲就到！

再黎MC剔剔剔


在墾丁沒有試的鴨肉冬粉


閒人的鴨肉粿條


以上兩碗都是鹵水味，再加碟煙薰鴨和芽菜鴨腸，味道中規中舉，不是不好吃，是沒有驚喜lor。 唯一讚是價錢，這餐NTD20X。


由於這間鴨店是懷舊老店，（唔記得影記錄片添）是沒有冷氣的，又吃出一身汗來，再翻翻天書，見到有介紹刨冰，問問店員說要走一段路，心諗剛吃完D鴨鴨也要消化一下，就走過去吧！
典知又衰左，已經一邊行一邊問人，行左將近30分鐘問最後一個，竟說還有很遠路，大熱天為甚麼不打的?最後還有個好心人幫我們截車，幫我們說明去向，最後唔使5分鐘就到！

司機在這裡放下我們，但系........好似同天書所講果個阿婆樣唔同 咁卡通既?


4圍望下，原來在斜對面，為了忠於原著，雖然卡通阿婆也多人，還是幫襯了天書介紹果間

點了芒果 + 奶 冰

芒果香滑，一啖食落口，暑氣全消，正到痺！ 

食完個冰lam lam脷，再來一個雜錦麻薯，呢個就麻麻地，中間心好似唔熟有D硬


吃完個冰就打的去三多商圈賣點手信，行兩行又有人話未試過正宗台式珍珠奶茶，結果搵個商場的food court 坐低，叫杯原味的試，果然茶香珍珠滑，為這次台灣之旅劃上完美句號。

總結：

 今次hea住玩的行程都好滿意，

天氣好不用說了，過了暑假景點人不多;
清境揀岩民宿;
 包車兩個人有點貴，但勝在舒適，司機哥哥都很好很有禮貌，又身兼導遊，沿途又
會講解，其中墾丁的司機，還不停的叫我不要每個景點拍拍照就走，應該要感受一 下！
今次帶了貓零食餵了不少街貓很開心;
未能如意的是瀉湖沒影夠相;
墾丁無膽開電動車
和夢時代無得買手信給Bill Bill！



Bill媽：拿，粗粗地玩住先啦！
Bill Bill：吓，咁即系點算先?


Bill 媽: 咁間舖執左我都唔想架，呢個網上買都好好玩既呢！
Bill Bill : 有無攪錯，枉禾lam 定手手等手信！