即食麵

    再潤一潤呢媽，今次仲唔止出一包，系晒冷，出晒

 


即食麵真是一個偉大發明，快靚正，相信現今家庭，家家必備，划艇除了家裡，公司也會放一两包，雖然不是常常食，間中江湖救急也不錯。 依家韓風襲港，在划艇家韓國出品似乎日漸取代日本出品，呢媽講果Ｄ超.......力，都唔知幾個世紀未食過。

  呢隻豬C麵，系近期划艇得寵，鐘意豬C的人不會抗拒，韓國麵的麵質，很彈牙，無辛字麵咁辣，（近年不吃辛字麵了，有D包裝成份有牛肉精華）不過也有人嫌豬C味唔夠，像划艇的侄仔，吃時再加多一片卡夫豬C。


前幾日買左杯麵裝，未試


第2名，泡菜麵，泡菜味，yummy！
Bill 爸唔食辣(飛辣粉)，也愛彈牙麵質，記得去家興超市買，平好多


呢隻薯仔麵，同事推介，划艇反而覺得淋得濟，澱粉質太重，相中麵上面果D香菇雜菜，是隨麵付送的

除了韓風，泰國風味也不錯，至愛河粉(粿條)，泰國口味划艇獨愛冬陰公味，呢隻清雞湯味，但也是辣的，細細箸，不會太飽

港產味(雖是日本牌子但made in HK)划艇祇吃海鮮味，牛肉味是Bill 爸的

還有最早登陸香港的出前一丁，剛好家裡stock 無貨無得哂冷，無論出咩味都是最愛原味 - 麻油味，不過也有例外，最近有隻黑蒜味也不錯。

講左咁奈，即食麵 + 凍檸茶，是最好朋友，茶餐廳加片午餐肉、荷包蛋、或沙爹牛，正宗港飲港食，相信大家不會反對吧！




以前細路哥年代，有個這樣的傳說：

話說以前有個人，餐餐即食麵，C後解剖，成個肚都是臘！

聽過的人一定有划艇咁上下年紀。



朋友中也有不吃即食麵的，就算吃也不放付送的味粉，心諗：咁不如唔好食！

不過，這些高鹽高鈉的食物，還是不要多吃！