發表文章
中秋節自製長週未，同同事拍晒膊頭，請一天假有4天，回鄉居去。假期第一天，坐地鐵去花地灣，依家廣州地鐵（官方網站都未up-date）同上海有得fight，蜘蛛網咁，不斷加線，不斷延長，有成5-6 / 7-8 ? 條線咁多 ，花地灣花鳥市場，有花花草草，貓貓狗狗，有腳無腳，有翼無翼，正式花鳥魚蟲，樣樣都有.....
D魚缸一格一格，構圖好靚，
我地細時叫呢D魚做紅蓮燈, 10蚊40條?
花豬仔都有得賣，隔離個籠系免仔，批發價2蚊人仔一隻
呢間舖arm arm開，老板放左隻孔雀出來，仲有個小朋友系個籠裡面，
老板（白衫）話佢隻孔雀出過鏡架！
第二天，沒有外出，又做貓仔隊，四出獵貓，這是我住那條街街口一戶不知第幾隻喵，次次回去都不見上次那隻，總之下落不明，而每次都是放養，且越養城細隻，唉，這麼小就離開媽媽...Poor little baby！
第三天，約了朋友中午飲茶，早上沒事，又帶上傻瓜去探鄰居，離遠看見有戶人家在小花園內，好像手抱一隻小虎紋貓咪，正返回屋中，即時飛車（單車）過去，八八下原來又是愛心人家...
食飽飽，媽咪教完仔仔清潔， 自己也清潔
話說有天有隻藍眼白貓，過來討吃，我想一般流浪貓如果不到最無辦法的時侯，是不會這樣大白天向陌生人討吃的，愛心人家見這白貓有雙藍色眼睛，身體卻瘦得可憐，一時同情，給了點吃的（也不知給了甚麼），之後白貓居然覺得這戶人家可托終身，不知從那裡"擔"來了5 隻貓仔，4仔1女，其中1隻與白貓媽媽一樣，也是藍眼白貓，其他2隻黃色虎紋貓，1 隻黑色虎紋，1隻黃白，看來不到一個月，愛心人家不知道如何拒絕，可能也做不出拒絕，結果便收留了這一家6口，見白貓媽媽現時乳頭脹脹，應該奶水充足，即系好食好住la，而且態度悠悠閒閒，不慌永不忙地幫小娃娃清潔，5隻小搗蛋打打鬧鬧，蹦蹦跳跳， 與我家街口那隻楚楚可憐， 簡直是一個天堂一個地獄，白貓媽媽這次冒險舉動，救了全家，也是從地獄走進了天堂，愛心人家還笑意盈盈地問我們要不要貓貓，叫我們挑一隻回去，我們當然祇能笑笑說聲多謝，然後say good bye la！
第四天下午車回港，早上無所事事，又左影影，右影影，
HI，你地又系新搬來架? 養佢地都幾好，素食，唔使買糧，成條街都系樹，即系成條街都系佢地飯堂，He He！
靚仔，等媽媽買? 佢中間分界架，似gel 左頭，仲好唔友善tim！胡胡胡...
我叫佢做震震狗，佢初初來時是冬天，佢主人放佢在門外，凍到佢不停打冷震，見佢依家乳豬式睡姿，訓得好自在
佢維持住呢個post 成5分鐘，起晒槓，但一聲都無叫！
我叫佢做小白，佢主人每天中午放佢出街方便，放佢時仲話 "唔好去咁遠呀，痾完快D返屋企" ，咁講當然唔會幫小白善後la，真系俾佢主人激C，咁無公德心！
最後再去另一愛心C-9探探六小福，見到啄啄（deung deung糖個deung）
同大聲，大聲有個可憐身世，有機會講下佢
呢隻小白貓是愛心C-9兩個月前大雨中在球場撿回來，當時約祇得兩個月大，半條命，小白貓你真幸運呀！愛心C-9依家有7 隻貓，她還說祇有小白貓晚上會陪她睡呢！當時心想，如果我有七隻貓，晚晚陪我訓多好！
中午又去老東北食餃子，阿虎同我部notebook手合作，攪慢遊，成個鐘先上得幾張相，餃子相要next 篇！
:) 
:( 
;) 
:D 
;;-) 
:-/ 
:x 
:P 
:-* 
=(( 
:-O 
X( 
:7 
B-) 
:-S 
#:-S 
7:) 
:(( 
:)) 
:| 
/:) 
=)) 
O:-) 
:-B 
=; 
:-c 
:)] 
~X( 
:-h 
:-t 
8-7 
I-) 
8-| 
:-a 
:-$ 
[-( 
:O) 
8-} 
2:-P 
(:| 
=P~ 
:-? 
#-o 
=D7 
:-SS 
@-)
L-) 
:^o 
:-w 
7:P 
2):) 
X_X 
:!! 
\m/ 
:-q 
:-bd 
^#(^
沒有留言:
張貼留言