Bill 公公 - 1

日子終於定好了 - 2009年6月5日

時間也定好了 - 上午10點半

Bill Bill：阿Bill 媽，唔去得唔得呀！

阿Bill 媽： 你話呢?

Bill Bill：出年先la，好唔好呀?

阿Bill 媽：唔得呀，邊個叫你咁多事幹，成日洗我錢睇大夫，又搵唔出咩原因，依家有理無理，鋸左先講。

Bill Bill：嗚嗚嗚嗚..........人地咩都未試過，嗚嗚嗚嗚.....

阿Bill 媽：你仲嘈，弟日先慢慢同你計數

Bill Bill：嗚嗚嗚嗚......無啦，無啦，呢次實無啦，嗚嗚嗚嗚.....

母親節大送禮

      上星期是母親節，孝順仔Bill Bill送了一個大禮給阿Ｂｉｌｌ 媽，其在令阿Ｂｉｌｌ媽無話可說，話說母親節當日早上，一覺醒來便發現Ｂｉｌｌ Ｂｉｌｌ頸背後有個小洞，大約一個毫子大，當時覺得不是大問題，可能是剛剛ｗｅａｒ的新傷口，沒有理會牠，於是便落街食早餐去，但回來時發現小子好像發了狂一樣，在廁所的牆邊狂擦，又坐立不安，背隻肌肉不停地跳，傷口增大至五蚊銀，還滲出血絲，伸手摸牠時竟然發惡ｆｅｉ 阿Ｂｉｌｌ 媽，兇得想剎人，之後觀察了個多小時，情況越來越差，於是急急打電話問愛協問有沒有急診，一問診金要７００－９００大洋，未包藥費，還要去到灣仔，正在猶豫之際，忽然想起紅磡有間診所新開，打電話問問，居然星期日都有開，反正去愛協都是看不認識的醫生，不如試試新的。於是便帶了Ｂｉｌｌ Ｂｉｌｌ去。最後，打了兩支針，一支消炎，一支懵仔，又藥膏，又藥丸，又消毒水，盛惠３９０個大洋！原來母親節是給醫生送大禮！

        回到家裡，懵仔藥力還未散，平時一去完街回來是即時從出街袋走出來，今次攤抖了10分鐘才識走出來，

可是，不到10分鐘，又爬番入個袋

目光呆濟.....

最後不支.........

練習中

經過阿Bill媽一輪地獄式催谷後，Bill Bill 開始有D頓悟，

Bill Bill： 阿Bill 媽！

阿Bill 媽：咩事?

Bill Bill：過來睇睇個 Po 屎系咪咁?

阿Bill 媽：唔，果然有D進步，系咁la，俾D心機練多D la

Bill Bill：我伸得手時又伸腳，再加個返轉貓肚，我妻！

Bill Bill：嘻嘻，我都話我Bill Bill 好有潛質架la！

擺Po 屎

   

        為了完成Bill Bill明星夢的心願，阿Bill媽便向Bill Bill展開一系列的地獄式訓練，首先教的第一課，擺Po屎 -

阿Bill 媽：Bill Bill ，過來！

Bill Bill：咩事呀?

阿Bill 媽：望住鏡頭，唔好兩頭擰

Bill Bill：系咪咁呀?

阿Bill媽：都話望住鏡頭呢度咯（開始發火）

Bill Bill：咁即系點呀?

阿Bill媽：唉！你都系無咩天份架la，唔好再發夢囉！