網頁

2011年12月29日 星期四

2011聖誕節@ 鄉間蝸居





    今年聖誕節,清埋今年最後一天大假,帶同老媽子,靜靜地在鄉間蝸居過了五天假期,除了出外食飯或買之外,全天蝸在家中do nothing,真真正正過了一個寧靜的聖誕節。

Bill爸攪了一個下午的傑作...


    由於邊樹都無去,所以以下的相全部都是吃吃吃

    第一天,中午到步,在村口快餐店簡單吃碗豬手河,很喜歡這裡的河粉,不是那種雪白透明的澄麵,而是帶黃但真正有米味的滑口河粉,而且這裡的豬,也比香港細,所以豬手也較細,無咩肥羔,祇有薄薄又淋滑的皮,而且充滿南乳味...




下午,襯老媽子午睡,整了一盤哩糖,下篇blog再寫,(he he,多一篇),待老媽子醒來,已是黃昏時段,先去超市掃點貨,再晚飯,今次試這間新店叫丹哥私房菜,叫了半隻雞,可能太奈無食新鮮雞,實在太好味,竟然忘記影相,祇有這個鱸魚卷有相。




飯後回家,梳洗完才晚上九點幾,也不知是否舟車勞動,還是陪老媽子煲那套劇太悶(還珠格格II)煲煲下居然著!

第二天,早上去茶葉舖買點茶葉兼咸貓之後,中午又去喜歡的梅峰飲茶,貪佢水滾茶靚

即炸咸水角,辣咀唔在講,外脆內軟...




芋頭流沙雪山飽,可惜影不到流沙樣,因為一咬開即流到一手都是芋頭沙,正!



呢個叫益生菌叉燒包,又唔知D益生菌系邊樹? 還是傳統的好吃



還叫了一煲仔生滾魚片粥,和其他點心,無咩特別,不敘鳥!

晚上帶老媽子去小沈陽吃過江魚,沒有一個月前我帶同學仔來吃那麼好吃,可能魚不是很新鮮,有點失望!




叫錯了這個汞白肉,肥到C




好在呢兩樣熱辣辣

       肉餡餅   &    韭菜盒


 

還有這個等了45 分鐘的拔絲香蕉,才28蚊人仔,好味到無朋友!



第三天,天氣凍,沒有外出,中午買了窩窩頭和中式cold cut… 鹵水豬耳仔 + 涼拌豆腐乾絲,配腐竹白果雞蛋(初生蛋)糖水,晚上買隻新鮮雞來打邊邊。

第四天,去了食燒鵝,可能去得晚,燒鵝有點UN,懷疑番叮之累,又叫了煎鯪魚餅,鯪魚餅有果皮味和花生粒,很香



蒸陳村粉最後吃不完打包第二天早餐。



口話食唔落,轉頭又去食甜品, Bill爸話甜品是用第二個胃裝的

薑埋奶,少不了,辣辣地,滑滑地,天寒地凍至岩




食食下抬頭一看,




大陸食肆為挽回聲譽,也無可口非,無良食肆畢竟是少數......


晚上約了朋友吃飯,掛住傾計,無相。

第五天,例牌最後一餐吃餃子,除了餃子當然還有其他,如

醬龍骨,濃濃北方鹵水味,肉香骨香糾纏不清














芹菜炒土豆絲,爽脆清甜




青椒豆乾絲,外表好看,無黎味道




草帽餅 &   韭菜盒 (呢間好食D)

  

就系咁就了5天假期,眨下眼就過了,好似咩都無做過,真真正正do nothing!




呀,差D忘記,有一天看見這新鄰居...
Hello!你好!晒太陽呀?
新鄰居:關你咩樹!
即時閃貓!




















2011年12月23日 星期五

滴臭臭



每次做這件事,都要同Bill Bill 惡鬥一番.......

Bill Bill : Bill 媽,你又攞盒野出黎做咩呀!



Bill 媽:無,見好奈無同你滴,襯聖誕假期就到,咪當打預防針lor

Bill Bill :Bill 媽,我R晒頭都諗唔到聖誕節同滴呢D臭臭有咩關係?




Bill 媽:系無關係架,不過見你個喵樣同個盒上面個毛豆系同鄉,幾襯你呀!

Bill Bill :咁鄉理應該禾大D........ 哎吖,咁誕節同我個鄉理有咩關係啫?



Bill 媽:都話系無關係咯,總之聖誕節就用你鄉理D臭臭幫你滴滴滴

Bill Bill :唔明呀!咩聖誕節,咩鄉理,咩臭臭,通通都唔要呀,嗚鳴鳴!!!

 


同Bill Bill 做完一輪心理輔導之後,便開始一輪肉搏,由於過份暴力,超過電檢尺度,之後加上Bill媽傷痕纍纍,Bill Bill又C晒面,所以系唔會有相片及影片出街!


在此特別嗚謝波波媽贊助臭臭!


2011年12月18日 星期日

日光浴



    划艇高手家的厨房,有個Bill Bill 曬日光浴的最佳位置 - 就是洗衣機頂,這天,陽光普照.......

Bill 媽:Bill 仔,你好似好奈無沖涼,不如.....



Bill Bill :吓,唔使lur 呱,我自已沖得啦 ,拿你睇
先洗洗手......



Bill Bill :再lam lam 腳



Bill Bill :連牙都撩乾撩淨,乾淨晒!



Bill 媽:你咁樣lam 法,成身都系口水味,唔方唔乾淨!

2011年12月14日 星期三

上學去 - 皮革班 第二堂




去上第二堂之前,都有功課要做架,



系Bill Bill参與之下,呀,唔系,應該系與Bill Bill搏鬥之下,終於完成功課部份



這天繼續第二堂.....

山長水遠去到老師家後,即時埋位揼揼揼.....



當划艇高手在埋頭苦揼之際,老師又捧出美味午餐

有機羅馬生菜配祕製Caesar Salad Dressing

   

焗豬扒飯



飯後再來一杯香滑普洱茶,正!



*********************************************


呢两條野都攪左差不多两粒鐘



上完帶後基本完成,跟住就是打磨部份,先用沙紙磨邊,上皮邊油,再用呢枝野碌碌碌......



再打面臘





  登登登登













呢個就系划艇高手第一個皮革製成品啦,total 前後攪左十幾個鐘架



度身訂造,獨一無二



最後再咸埋Hanna先返歸

今次有備而來,帶定零食,終於可以成功引貓出洞



最後還成功抱抱,可惜當時D同學仔個個埋頭苦幹,無人有手幫划艇高手影相



啊啊啊....Hanna媽話佢得17磅之嘛



 
 
 
完成呢個作品之後,心思思又有新idea,不過要抖抖先,也要等老師幫手搵料。

上次有貓友問點樣知道Hanna有輕度若弱智,Hanna 媽話佢唔識用爪爪 wor,咁Bill Bill咪IQ爆棚?