清涼夏裝

         由於Bill Bill抱恙多月，雖然燈罩已除，但不時還是腳wear wear，週不時攪到個身大小沽窿, 阿Bill媽終於忍唔住，帶Bill Bill光顧美容院，把那肚上一身厚踏踏的毛毛剷掉，回家後，果然清爽好多....

Bill Bill ：阿Bill 媽，開冷氣呀唔該！

阿Bill媽：！使我幾舊水返來仲唔夠皮，仲要哂我電費?

Bill Bill：咁貓地真系好熱嘛！

阿Bill媽：唔得呀，要食晚飯先可以開冷氣呀。

Bill Bill：有無攪錯呀，大熱天時都唔准開冷氣，唔通留番12月先開咩，D電費最多我俾囉，等我弟日紅左，慢慢還番俾阿Bill 媽你囉！

阿Bill媽：話時話，你紅唔紅都未知，不過見你咁孝順，好la，開一陣la！

Bill Bill：嘻嘻，去完美容院，沖哂涼，剪哂D肚毛同腳底毛，正所謂夏日炎炎正好眠，等我恰陣先！

我的鄰居 - 3

        炎炎假日，乜都唔想做，又唔想留在家中，於是大清早部相機出門口，看看有甚麼可以影，一出門口，便被對面兩甥舅吸引了過去....

人家主人正在做每天梳洗工作，兩甥舅正所謂...

坐定定系度、得正正系度、企定定系度、然後乜都唔使做.......

這情況點都唔可能發生系Bill Bill 身上，因為Bill Bill勢必搏鬥一番，然後貓奴滿身傷痕、無奈地停止。

呢個系舅父，有一隻藍眼睛，叫做May May

呢個系May May外甥，叫妹妹，雖然兩個都系女仔名，卻是如假包換的公公

划艇高手：May May，你系度食咩 ?

May May：我唔系食野，我飲緊野！

妹妹：我都系呀

划艇高手：咁你地飲緊咩?

May May：呢D叫做福建茶，可以幫助消化，好有益架，我地朝朝起身都整番幾咀架！

划艇高手：，咁都得，唔知Bill Bill .....

划艇高手：YO YO，你大隻左好多喎，年頭見你好似啡金啡金，依家好似有少少甩色，變左灰灰地色?

YO YO：系囉，人地真實年齡系好細架乍，唔好俾我既外表欺騙左！我仲系好生猛架！

好la，梳洗完畢，兩甥舅飲完茶之後，被主人趕返入屋....

輪到主人去飲茶lu！

書展 - 2009

        香港的書展已經辦了19屆，但今次第20屆卻是我的第一次，並不是有靚模吸引，不知點解，覺得好像有參加嘉年華的心態，很有去湊熱鬧的感覺。

        也不用特別早起，大概早上9點幾，已經到達灣仔，一下車，就見到有兩間頗有名氣的茶餐廳，新X記和X島，老覺得前者是吃雲吞麵的，於是選擇了後者，誰知一坐下，便後悔，望望餐牌，一杯奶茶15蚊，早餐最平都是24-5蚊，食慣我家附近17蚊一個早餐，有點大鄉里的感覺，可能我太長時間沒有出外吃早餐吧，最後沒有辦法，都已經坐低，就當豁出去，豪叫一杯奶茶加件西多，

不是下午茶時間，要散叫，於是家裡閒人發揮其節儉美德，衹點了菠蘿油加奶茶

講真，件西多真系麻麻，賣相還可以，不知是否落得太多醬，太濕了，菠蘿油沒有驚喜，好在杯茶仍然有水準，值得推介，

最後盛惠....

早知去食法蘭西麵包。

未見官，先打八十，都未去書展.....哎，話去睇書展，好似扯得太遠了...

隨住人流，去到會展，尚未夠10點 ，慢慢行，排隊，買票，

再排隊...再慢慢行.....

樓上靚模區，唔會去，仲有個親子區，都無去

不知不覺，離開時已經下午3點，居然行了5 個鐘

嘻嘻，戰利品....

又學人斥巨資，買了這套漫畫

一百六十幾蚊有八本，好似好抵，回家後才發現這些書原來不是新出版，有些是04和05年，當時見全場間間出版社都賣這個高木直子的書，很好奇，所以買來看看，一個畫插圖的女漫畫家（咁岩最近睇緊套韓劇系講男煮腳系畫插畫為生），公仔都幾靚，第一次一個人去旅行那本，因為佢講那些地方有部份去過，寫得幾會心微笑，其他內容有D out，整体OK。