網頁

2010年12月28日 星期二

試機 - 3



     今次買這部EPL1,最開心是Bill爸,因為祇要加個mount,即接環,就可以令到Bill爸以前菲林機的鏡頭復活,所以這天早上,Bill爸把他的陳年相機拿出來,抹抹抹...

這批Bill爸的後宮佳麗,終於可以從冷宮走出來....



但系祇限鏡頭,機身仍要留在冷宮之中,新機配舊鏡.....



划艇家的唯一毛豆,又要被迫上鏡



Bill Bill:唉,Bill媽癲完,又到Bill爸癲,....



Bill爸:阿仔,你都唔識野,我D後宮佳麗,全部都系70後架,想當年......(下刪數百字)



Bill Bill:唉,又系度舊屎出黎講,不如禾俾個屎面你....



舊鏡頭的光圈,確實是比新鏡頭大,用左舊鏡頭,祇可以用手動對焦,對於有老花的我們,對焦確系有D吃力,尤其系要影永遠不會坐定定的Bill Bill,所以要慢慢來適應。

2010年12月24日 星期五

如果貓咪任我養



溫馨提示 + 家長指引:

養小動物系一生一世既事,因為小動物也是一條生命,所以養之前必需停一停,諗一諗!



以下純發夢!

      

忽發奇想,如果可以的話,我想.....

第一隻:一定系灰短,即系Bill Bill啦,雖然整天被Bill爸說他醜樣,其實我覺得Bill爸一早已經接受了他,這夢想實現左 lu

第二隻:想要美短,銀白色,背部有對稱蝴蝶花那種,

第三隻:重點色,黑面 + 烏咀 + 黑耳仔 + 四隻手仔腳仔要黑色

第四隻:要全白,長短毛都無所謂,最緊要系藍眼睛(細時阿哥曾經帶過一隻回來,但系被迷信既阿媽趕走,佢唔鐘意白尾貓)

第五隻:禮服貓,有蝙幅俠眼罩那種,四蹄踏雪,銀喉入臟,(以前阿媽屋企有一隻,阿媽系咁樣形容佢)

第六隻:黃色虎紋貓,cream 色也可以,這貓一定要系肥貓

第七隻:黑啡色虎紋貓,要深色那種,有埋背花仲正

第八隻:三色花貓也不錯

第九隻:全黑,黑到令種夠神祕



唔知攬住九隻喵喵覺、睇電視系咩感覺呢? 真系諗下都開心!

諗下!

2010年12月20日 星期一

Bill Bill 紙巾袋



         經過差不多兩個月時間,我的Bill Bill紙巾袋終於出世la,好多謝Julie,唔歉我煩,我好滿意!

呢個baby blue色,好襯Bill Bill張小沙化



Julie好細心,仲入埋紙巾系裡面



就系呢個傻look,似唔似呢?



Bill Bill:等禾聞下,系咪有禾陣除.....



Bill Bill都好鐘意,鐘意到想食左落肚

Bill Bill:Um....Julie EE,典解你唔放D零食系裡面既?



多謝Julie!



2010年12月17日 星期五

試機 - 2



再來試機,今次搵左D佈景,希望可以留住Bill Bill做模特

超市特價,金罐79.9 ,買一打送一罐,再吼住特價日95折先買,平均5.8x 一罐,送多一罐好過送其他納納雜雜野。  黑罐仲平,57.9 ,唔好處就系無得揀,金罐得2 種味, 好彩有阿Bill鐘意隻favour。



Bill媽:Bill Bill,做咩仲拿口拿面呀?  望住鏡頭,笑下啦!















Bill Bill:阿媽你舊野唔好烘咁埋好唔好?



Bill媽:嘿嘿,唔記得部機可以zoom,習慣左烘埋D 影你D鬚鬚,好啦見你咁合作,以後就10日一個罐罐啦!

Bill Bill:唓!成10日先得一個罐罐,想唔拿埋口面都唔得啦!



Bill媽:你唔好忘記以前系兩個禮拜先一個罐罐D日子wor!呢D系你最鐘意吞拿魚味黎架,笑下啦!

Bill Bill:齋睇無得食,笑唔出,不如開番罐俾禾試下先影啦!



我想問下大家,有無人知較大左部相機D file size,會唔會sharp D? 但系up-load上阿虎時,最大是6M,又要將張相較番細M數,(新機張張相都超過6M),咁系咪較番細D M數就OK? 唔使晒張記憶卡D位? 但系咁做又好似晒左部機?

 R頭中...

請各識之士,多多賜教!





2010年12月15日 星期三

試機 -1



     終於買左啦!講左成年,睇左成年,終於買左啦,聖誕禮物又好,生日禮物又好,出左雙糧,當tum自己開心!Olympus EPL1,藍色系今期限定,第一時間緊系搵全屋唯一既模特{普通話發音)試機...

Bill Bill:阿Bill媽你又敗野,仲系禾至憎既爽雞....



呢張系Bill爸試既第一張,路貓甲



第二朝Bill媽影,















靜止中的Bill Bill



唔奈煩,走貓



走貓影公仔



試下動感D,好難呀....



想較大D個file size,又up-load唔到上阿虎,細size 又好似無咁清,典解?

影左D片先發現阿虎原來停左上載,激CC!

















2010年12月14日 星期二

漁鄉米坊 & 老馬家



       最近鄉間屋村開了很多新食肆,這間漁鄉米坊便是其中之一



原來這間店在廣東省有不少分店,openrice 都有介紹



店內擺設向來不是我杯茶,



招牌菜有魚蓉粥(無試,因為quota有限),香煎餃子,試了餃子,一啖咬下去,皮很脆,夠熱,應該是即煎 ,但系個餡就....



問了服務員是用甚麼料,答是菜,豬肉和馬蹄,但我祇食到一口粉,既沒有馬蹄的爽,也沒有一丁點肉味,雖然話菜多健康,都唔使將D豬肉變成粉... 唔,no good!

再試招牌腸粉, 叫了個豬肝瘦肉腸



不知道是不是不夠熱的原故,總是覺得那賜粉不夠米香,在香港從來不會買來食的豬,中規中矩,無咩驚喜。

再試另一款招牌菜,香茅骨香雞飯(划艇系飯桶,所以棄粥選飯)



又系麻麻,D雞似咸雞,得個咸字,無咩雞味,D飯是我喜歡的絲苗米,但又系暖暖地,不知是否時間太晏,已下午2點幾,所以很清靜,這間米坊,看來都要delete左佢。

第二天本來想去食這個市場(屋村隔離)後面的一間韓國菜



韓國菜旁邊的一檔花檔,擺滿一地應節的聖誕花,帶唔到返香港,唯有影低啦



原來聖誕花也有三種色



這是韓國人開的平民快餐店,初開店時去試過,覺得老板娘做的kimchi和米腸都很好味,打算再幫襯,但現在可能生意太好,我們坐下來等了十分鐘都無人理,剛好見對面又開了一家新店,於是趁無人發現....










跑了過去,這是正門,



當我們從則門經過時,看見師傅正在麵(即廣東話搓麵粉),依家先睇到副對聯,做麵做出人生道理...



還有剛做好的波菜麵擱在一旁



一入門口,看見涼菜柜內的涼菜,好似向著我們招手,點我啦!點我啦!











十蚊一份,點了這份西芹支竹or腐皮?(後來發現可以雙拼、多拼,至今後悔ing)



西芹清爽,支竹不太淋,趙落有豆香,撈左D泡椒,所以辣辣地,輕微酸酸地,再加埋D麻油,香香地,好味!這店是西北風味,以山西麵食為主,家裡閒人點了個大塊牛肉麵,12蚊人仔,一端上桌,嘩,成個加大湯碗咁大...



話說是大塊,其實也是肉丁,我坐在旁邊也聞到一陣香濃的五香牛肉味,麵就是剛才的波菜麵,因我不吃牛肉,唔知咩味,但見閒人唔等埋我碗麵就食到唔停,而且讚不絕口,我相信應該好好味。

等了很久,我的臊子(肉末)丁麵還沒出來,催了一下,原來師傅續碗麵拉,續碗麵煮,我想在香港這麼講效率的地方是無可能的事,就系咁,心中已經加了分,最後我的臊子丁麵終於出來....



咦,原來不是波菜麵,是普通白麵條,麵質非常un,台灣人說的QQ,料頭有香菇、芹菜、紅蘿卜、土豆、西紅柿、蔥花、香菜(要用番佢地D講法),但系主菜D臊子摷唔到,不過已經唔重要,因為D麵真系好好味,個湯底D色看似很深,但飲落又好清,不太濃,(之後三小時車程返港都唔覺得口渴)最好笑就系,我覺得食麵一定要有辣椒醬,所以向服務員要,她竟然隨意一擱,成兜醬擺低,足足有碗麵咁大碗,唔通D山西人真系豪D!



本來仲有D山西夾膜想試都唔敢叫,因為成個湯碗咁大既麵已經霸晒D quota,最後又系成身汗咁埋單,盛惠32蚊人仔。

正所謂一雞死,一雞嗚,依家國內食肆同香港一樣,業主見你賺錢就會加租,再加上最低工資(呢樣野國內一早實行左啦,系香港先會左研究,右研究)同通賬,挨唔挨得住就睇天,希望佢頂得住,下次再有得食。