Bill Bill 巴打

              Bill Bill俾爸打?  話說某個天氣很好的星期天，一早起床Bill爸就系房門落閘....



Bill Bill：阿Bill爸，你地成晚都打開房門，典解醒覺豬反而要落閘既?

Bill爸：你咪理咁多，行開D啦！ 

  

Bill Bill：Bill爸都無解既，典解唔俾貓入房喎！

  

Bill Bill： Bill媽，阿爸唔俾我入房呀！強烈投訴中.....

究竟，Bill爸困住自己系房做咩呢?

過左大概半粒鐘之後，阿Bill媽因為要入房野，一唔小心，俾Bill Bill乘機衝左入房...

原來系...

Bill Bill個巴打完涼系樹晒太陽...所以大家唔水驚，唔系Bill Bill俾爸打

Bill Bill：講起禾l呢個巴打，佢系Bill爸至愛，Bill爸話養佢平過養禾好多，十零蚊斤粟可以食幾個月，唔限牌子同出產地，間中俾條菜就得，（佢食齋架，蜢都唔食），又唔使用貓砂，用舊報紙 / 雜誌就得，更唔使打針同desex，

但小（佢個名）從來得唔到Bill媽歡心，Bill媽話仲嘈過禾，又唔似禾咁識嗲嗲同反肚肚，禾一行埋D就辟辟拍拍咁亂衝亂撞，又無table manner，D粟hea到週圍都系，唔似禾食完餐會優雅地抹咀洗臉，都唔知典解Bill爸咁鐘意佢， 日日帶佢行公園！

仲有呀，就系因為有佢，Bill 爸一直都唔俾Bill媽養貓，好在最後俾禾同Bill媽相遇，禾地一見鐘情，Bill爸從始就無辦法分開禾地lur！

古古力做facial

古古力，除左可以食，仲可以用黎做飛So，唔信，試下跟住做，方法如下：

古古力10粒，任何牌子都可以，祇要系金色錫紙包裝就得，不過為免日後有體重問題，可請朋友代食。

每兩張金紙一組，搓混成波波狀，如籃中波波

做飛so之前整估下Bill Bill先...

Bill 媽：Bill Bill，上黎玩啦！

Bill BIll：Bill 媽，你放D咩系禾個seafood度?

Bill媽：哈哈，似唔似你D金金呀?  清潔磨沙，好好用架！

Bill Bill：好， 等禾示範俾EE睇啦！

示範毛豆：Bill Bill

首先，磨下個似有若無既包包臉



開始發瀾渣，掃晒落地，



掃落地再繼續玩


Bill媽：上面系磨沙前，以下系磨沙後既....

各位EE，呢個磨沙古古力，又食得，又玩得，真系有效架， 你地都試下啦！

去定唔去

 

   http://www.snowfes.com/english/index.html



   今年農曆年後，大概二月中到，睇到人家日本雪祭的相，想起自己D Asia Miles 出年2月到期，不如Book定出年雪祭，齋北海道札幌，3天應該夠lu呱，誰知天降橫禍，3月來個世紀大地震，人家現在水深火熱，我地仲應唔應該去吃、喝、玩、樂呢?  又或者增添人家麻煩呢?

    今日見到報紙有人寫，日本非災區D旅遊業，嚴重冷清，又好難講既，人總是怕死，不過想當年03年沙士期間，我都系照去北海道，D酒店重Up-grade晒我地D房添！

    航空公司暫時俾我將出飛既死線拖到4月中，應該是最後一次改，到時就要決定去定唔去，又唔想改去第二度，一年後喎，點知呢個世界會發生咩事呢?  呢次真系勁勁勁勁

  

   RRRRRR頭！



  （特此嗚謝牛牛媽教我貼公仔）

我的作品 - 荷花

  划艇高手有很多玩具（嗜好），十字繡是其中一樣，這幅荷花，攪了差不多成年（懶之故），終於攪掂了，幻燈顯示，原來最多祇可以10福

 都好啦，本來右上角有題字，但我覺得太花，學人玩留白，沒有放上去。又乘機玩下部爽雞D art filter

扮魚眼

扮懷舊

扮soft

呢幅唔系扮，D光線好難掌握，真系要認真學！

好鐘意玩十字繡，但淨系識死跟，唔識創作，即系現成套買種，呢幅都算大製作，還有其他作品，有時間可以去我的相簿我的作品度睇，睇完俾D意見！

划艇高手有很多大製作想整，床上用的床呀、窗簾呀、布呀咁啦，但找不到合心水的，而且無咁多時間，可能要等上岸（退休）後先得閒lu！

諗諗下上岸後真系有好多野想做，花鳥魚蟲，琴棋書畫，樣樣都想學，仲有就系：日日到自然醒，去旅行唔水就假期，隨時起行，又系諗下都開心！

優、良、差

         今天早上，無啦啦人事部叫晒全公司同事開會，仲以為做乜，原來系叫大家填全公司人既appraisal！我諗大家一定未試過，成棚人，齊齊坐系到填！話時話，我做左幾十年野，都未試過咁攪笑。

        成棚人，排排坐系conference room，全無私穩，每個人都要評晒全公司D人，包括自己（除左No1 & No2之外），唔理你同被評人熟唔熟，連司機都要評人和自評，評分分三個grade，優、良、差三級制，都唔明公司咁做既背後目的系咩，為左交差?  但系又唔覺有咩意義lor，初時都唔知點填，後來見我地部門阿姐，第一個交卷，於是我就全公司40幾人，全部都俾middle grade，咁即系我份卷全無義意啦，話之佢，交卷走人。

         R頭！

        

Bill Bill新行宮

         其實今次呢張新床（20蚊人仔，見咁平又忍唔到手），已經買左幾個月，不過見Bill Bill終於接受左張小沙化，肯上去，所以一直沒有開，今日見有太陽，便出影下爽爽，影完Bill爸又收番埋。

一攤出黎，Inspector Bill馬上執勤

Bill Bill：唔....新床有新床味，顏色都襯我張小沙化...

Bill爸：阿仔，阿Bill媽成日買野俾你，就黎間屋全部都系你D野！

Bill Bill：系咩，唔覺喎，我覺得間屋好似系Bill媽D衫衫、鞋鞋、袋袋多D喎！

Bill 媽：Bill仔你話咩話?

Bill Bill：禾....禾無講野呀~ 閃貓！

       我諗好多人都有我呢個病，呢個病我差不多一個零星期就發作1-2次，特別系週未同週日，發病地點全部系街外，多數系商場或超市中，間中街邊都會，好彩暫時唔會系網上病發，嚴重時行街行4-5個鐘頭都唔知，但返到屋企條腰好似散左咁，醫極都醫唔好，不過月尾or收到statement時就會有好轉！

悠閒週末 - 2

       上回講到週末下午茶（番禺百越廣場綠葉居）之後，返回蝸居，到了晚上，想起上次想吃沒有吃得成的平民韓國料理，今次見得閒有時間，同家裡閒人跩了單車過去。

店內太細，坐到店外，一坐下，未點菜先送上三碟kimchi，老板娘自製，好有街坊味。在國內，很少見到外國人一家大小開的舖，

祇見男的在店外玩/?賭啤，女的落單、在廚房內忙到團團轉！

點了豬頸肉和五花腩

大醬湯，湯裡面有很多切左好薄好薄的薯仔片（唔知系咪老板娘自家style），好好味

和佢地叫紫菜包飯，我地叫壽司，D餡系普通不過的青瓜、日本腌蘿蔔咁，但系D飯加左麻油很香，配上濃味的kimchi和大醬湯，這包飯感覺得清新，唔知呢D系咪叫做阿豬媽feel

再上埋D生菜，就已經成滿滿

燒燒燒

加D韓國烤肉醬，用生菜包住食無咁熱氣

燒左成粒鐘，￥83蚊 + 飽到阿媽唔認得，仲要跩番架單車走先命！

第二天，臨走前中午又去試新野

新開西安肉夾膜，現場即做，麵粉搓搓搓

先放上面烘下

再放入下面又烘下，睇唔睇到D碳呀? 真正碳火燒架！

再加D肉，食得！（￥7蚊個）

加兩碟涼菜，涼拌肚絲（有碟耳絲，唔夠人快俾人叫先）和拍青瓜

再來碗羊肉餵麵

這種麵，不規則形狀，肉少少，湯底濃，賣相唔靚仔但極好味！無quotar，如果唔系再試埋個羊肉泡膜，埋單￥40蚊。

同場加影店舖貓

佢主人話用￥50蚊買回來，三兩日就用灰錳氧同佢涼，日日下午帶佢出去散步喎！

唔怪得D毛爽爽唔立黐黐，都算乾淨，不過我地都忍唔住提醒佢主人，記得帶佢去desex，做過負責任的主人。（我同Bill爸講左好奈，唔知佢主人明唔明）

悠悠閒閒咁過左個週末，又要返香港划艇lu！