東京輕井澤05-09Oct2013 - 5

第五天 09 Oct 2013 東京 - 香港

        假期最後一天，本想去築地市場，奈何今天人家是休息日，還是留待下次吧：P，咁去邊好呢？去血拼，又太早，百貨公司起碼開11點，於是有人提議去行公園，因為酒店就是在公園附近，於是早上起來去行上野公園，順帶一提，這裡的check out時間是下午1點，行完公園還可以去買手信回來pack 箱。

       在這個不是櫻花、不是紅葉時侯，上野公園有咩好睇呢? 無所謂啦，懷著hea玩心情，吸兩啖新鮮空氣都好。

去到門口見到......旦妃樓，彈彈媽你妃彈幾時系日本開左間舖頭呀? 笑住影張相先 ^^

想像一下，當櫻花盛開的季節時，在這櫻花樹下賞花的情盛況..........俾Ｄ想像力啦

       行行下見到園中有很多大大的銀杏樹，見有個阿伯在拾掉在地下的銀杏並把銀杏的皮退掉，這些銀杏已經發臭，但也有人拾來吃，真不知如何烹調。

行完公園，時間還早，於是行去阿美橫丁買手信，



he he 又掃街

呢樹買野買得好開心，因為手信好集中，又平宜

之後再去昨晚食唔到的鰻魚飯

唔使問，梗系愛 C！

食埋呢餐，返酒店攞埋行李，直去機場返港了

今次hea 之旅都幾開心，Sky Tree幾靚，原來下面商場咁多野賣；淺草寺可惜大燈籠在維修，所以淡季旅行就有機會遇到這情况；主菜輕井澤雲場池看不到水中紅葉雖然有點遺憾，但能跩單車觀光卻是一個很好的經驗，值得推介。

在機場餐廳見到計節打扮的牛奶妹

東京輕井澤05-09Oct2013 - 4

第四天  08 Oct 2013 輕井澤 - 東京

         今天繼續buffet早餐，有我至愛既納豆，雖然納豆並不是甚麼貴野，但划艇就不會買，因不是人人接受，家裡閒人敬而遠之，而且划艇也不會晨早起身煲1人飯，所以次次旅行有得食就必食，yummy！

 其實今次遊輕井澤，去了很少地方，因為要貫徹 hea 玩的宗旨，不像以前要用最短時間去最多地方的玩法，所以吃完早餐才慢慢執行李check out。

輕井澤，再見啦！

連Ｄ雲都好似同我地say good bye 咁 ^^

坐番JR返回東京

      今晚又系住上野，

好橋呀，系Jalan 定酒店，全日文，亂打亂撞，去到先知定左間叫Hotel Stellar ，ha ha

       出到去已中午時份，一放下行李即外出醫肚，今程未食過壽司，於是專登搵番前幾日見有人在門口排隊的店，但今日又不見人龍，原來前兩日有特價，去到門口見到有4隻貓，佢地都好似系度排緊隊咁，周圍有人圍住，都若無其事，可能見慣世面，可惜4貓沒有走左一起，兩隻禮服

兩隻玳瑁

size 差不多，有可能是同胎 

第一次坐壽司吧枱，大鄉里問人攞餐牌，俾壽司師傅話：

WA DA SI WA  MENU DE SI

瘀爆

好彩旁邊有個阿嬋，唔知邊度搵左個有相既餐牌出黎，於是手指指咁同師傅落order

D海膽多到一影相就冧左落黎

樣樣都好新鮮，好好味，連同行有人唔食壽司生物都破戒，仲話好鮮味添

食飽飽，跟住做咩好呢，東京wor，梗系shopping啦，go go go！

          如是者去左新宿My Lord，但一路shop，一路掛住棵Sky Tree，於是行左 2個零鐘(返公司俾人笑仲衰過跟團)，就轉左去Sky Tree，去到剛好天黑齊，但有人對夜景無興趣，於是乒分兩路，一路上天，一路下地 (下面商場)

划艇，梗系上sky 啦，買完飛，搭聶上，部聶金壁輝煌，雕龍雕鳳

話咁快就到，又系西洋計節裝飾

   划艇唔識影夜景，又無腳架，又隔住玻璃，影左十幾張都無張攞得出黎

呢個地圖好得意，用手篤住會變左日頭

玻璃地板，划艇有畏高，手震震咁完成呢張相，可惜影唔到效果

        玩埋呢度差不多夠鐘同下地一路匯合，返到上野已經9點幾，想食雞精書介紹的鰻魚飯已經收左檔，好失望，求其見到間吉X家，就衝入去，因為已經餓到反晒肚，

食完一邊撩住牙，一路行返酒店。

東京輕井澤05-09Oct2013 - ３

  第三天 07 Oct 2013  輕井澤

        人就是賤骨頭，有得瞓就瞓唔著，set 左今早的 morning call 是自然醒，晨早７點零就醒，算啦，醒左就起身，梳洗完吃個靚早餐，

       跟字出發去今程第三個景點，首先，去琴日睇岩單車店揀番架單車先，￥800租一天，先付款，no deposit，其實架單車點止值￥800，人家就系講個信字，店主仲provide埋觀光路線圖，跟住景點step by step 行

好，第三景點 - 雲場池 出發！

原來無想像中咁輕鬆，可能划艇我就叻，跩單車還是貓友Bobby媽的強項，有D路行行唔見左個的路牌，好彩問人指手劃腳咁都去到

終於到啦

呢度出名系水中紅葉，唉，又黎早左......

唔夠紅，整D色水，

忽然吹左一陣風，成個池皺晒，當時有隊攝影隊系到拍緊，當堂停晒工



個池入面有好多錦鯉，好襯個feel

等了一陣，風停了，D倒影又出番黎

成個池除了紅葉外，還有很多粟子樹，D粟子跌到成地都系，多到無人執，唔知呢種食唔食得

        雲場池，真系幾靚，記得blog友電占 & 豆豆是冰天雪地時來，想必又是另一番景像，心中又系樹盤算中.........

好，下一站 - 舊三笠酒店，原來條路系暗斜，C命跩左成大半粒鐘，

終於到啦.......對腳........好似想斷咁

內裡全部西式佈置，呢度以前好多名人黎住過，好似天皇呀、外國政要呀、明星呀咁囉

呢間房有BB床

回程落斜，一個字  -  爽

中午系舊銀座攤抖，行下街，買下手信，但先要泊好架車

食個信州特產喬麥麵，he he ，間閒都話自己系手打

吃完散下步，行行下見到 St Paul's Church，成個輕井澤有很多教堂

成間教堂都是木做

本來租了一天車，但跩左半day對腳已經唔聽使，都系還車算啦，況且下個景點白絲瀑布太遠，單車系去唔到，於是交車行轉巴士，交車前又見到靚女，於是急煞車........

她的名字叫Jo Jo，優雅地晒太陽，

两對白手套，暈晒大浪 XDDD

還左車，轉去搭巴士

巴士沿住條河上山落山，雖然見唔到紅葉，綠色隧道都好靚

車路邊已經系瀑布

到啦，真系好白絲架

 回程時無散錢，唯有買條山坑魚食下，又幾香

返回輕井澤車站，已經是晚飯時侯，凍凍地，走去食燒肉

五花腩

牛脷

和牛

燒完成身味返酒店，要泡個靚湯除臭，再黎個車站梨，潤一潤，

超爽！