網頁

2012年6月28日 星期四

齋麵腸


  這個齋麵腸是08年去紐西蘭時學的,但回港後一直找不到麵筋粉買,所以一直沒有試,最後還是求人在紐西蘭帶回來才有得玩,各方有識之士,可否告之香港那裡有麵筋粉賣?


麵筋粉 + 普通麵粉 + 貓紙,齊,可以開工


麵筋粉 4碗 + 普通麵粉1碗混合,第一次整,呢度約1/3分量


加入水(5-6碗) X1/3 攪勻


發酵6-8小時
 


發酵完成


用鉸剪剪成一塊塊


長條形


另煲一鑊(or煲)水備用,(上次高人指點是用電飯煲煮),水滾後收細火















取一塊麵筋粉條,用手壓平/扁


用筷子捲成卷狀


貓紙說用鹽埋口,划艇覺得齋用鹽不夠,還要用力搾一搾,否則會散,但結果無左中間個隆,後來在網上睇見人地連筷子掉埋落水saap。


一邊捲,一邊掉落鑊,煮至浮起便可以起鑊


king乾水就攪掂架啦,


一次整多D,可放冰格備用。















第二日即炆番煲試下(閒人作品),呢煲野仲有栗子、支竹 、冬菇 & 腩仔,Bill爸話削左D,我就嫌炆得唔夠入味,可以再炆耐少少,口感都有8成似,但唔夠Q(Un)淋身D,是水多、攪伴時間不對還是發酵得唔夠時間呢? 有待進一步探討。




在網上見人用高筋粉,搓完又洗,好似好多功夫,呢個無咁麻煩,但又唔知邊樹有麵筋粉賣? 我見個袋寫住Gluters flour,會唔會系小麥粉呢? 咁普通麵粉唔系用麥造架咩?  小麥粉我就見到富貴惠X有得賣,但唔知系咪所以唔敢試,還望各方有識之士賜教!


7日3日up-date 今日閒人炆左排骨,入味好多!




2012年6月25日 星期一

冰鎮青瓜



自從上次系廣州食過一次,念念不忘,襯週日得閒,玩一玩

青瓜洗淨切粗條

唔知人地調味和份量,自古成功在嘗試,醋和wasabi 一定少不了


攪掂


試了味,好似好酸,


再黎,加點糖、加點豉油.....


好似仲系爭少少,呀!冰鎮青瓜無冰點鎮



加埋Bill 婆婆既炆豬肉再加花卷,又一餐Sunday Lunch 。


試食報告,個汁還是差少少,酸了點,可能醋的份量,下次應該掌握得好D。
花卷配炆豬肉,加埋個青瓜,一清一油,夏天好配搭。


2012年6月21日 星期四

又玩龍蝦先生




呢日,Bill Bill又玩扒,見無野好玩........













於是請龍蝦先生出場...
龍蝦先生:Bill哥哥,米咁無心機啦,同我玩啦!




Bill Bill;禾至憎D魚蝦蟹架啦,C開啦! 鄙視眼神ing....
龍蝦先生:Bill Bill,米咁無風度啦,玩一陣啦!














Bill Bill:拿,你話架,咁禾地就狠狠地玩一陣啦!
龍蝦先生:救命呀!




又一無聊之作,多謝收睇!




2012年6月18日 星期一

Bill 門



 划艇高手在此特別嗚謝吉吉媽幫忙,系淘寶網買了這個貓門,些些!

         

貨到當日梗系由Inspecter Bill check 下件貨先啦!













拿拿林拆開睇睇,好靚呀!



呢舊野終於退役了,(呢舊野以前系咁樣用 & 咁樣用)

Bill 爸問朋友借左架生 - 呢個叫做即梳( jigsaw)

開工了 - 先把房門拆下來

















Bill Bill 做完inspecter 做監工













度好位置


鋸鋸鋸.........



D鋸門聲巧勁,嚇到Bill Bill 條尾都粗晒 + 飛機耳

話咁快
 



銼番靚條邊先


原來個房門咁化學,仲以為夾板入面系木方,發夢都估唔到系紙皮 好彩衹系房門,街門是實心木來的



上番個貓門入去



再上番個房門,岩岩一個鐘!  (唔系專登計時架,咁岩影到個鐘乍)
 






有請Bill 爺剪彩.......



Bill Bill : 剪完彩系咪有罐罐先?


Bill 媽: 系呀,入面有罐罐呀,快D啦!
Bill  Bill : 好,即到! 







Bill Bill : 吓,乜得條毛乍?


裝好這貓門已經有两三日了,但Bill Bill 還是不大接受,祇有用條毛(貓棒)挑逗的情况下,才會標出標入,平時總是入左唔出,出左唔入,最後Bill 爸把掩門拆下,說要等Bill Bill 習慣了才把掩門再裝上wor,但願如此吧,不過這個門總比以前果舊野好多了!