2011廣州遊 - 泮溪酒家

  遊完公園，當然是去公園旁邊，廣州四大酒家之一，泮溪酒家醫肚啦！印象中泮溪是間園林酒家，很久以前，四圍都是破破舊舊，無咩野食，來來去去都是一煲牛雜推來推去，依家聽講被大集團收講，大肆裝修後金壁輝煌，但依然亭台樓閣...

   

   

  

  

樓梯轉角位掛了這4幅貓貓畫

兩個人叫不了多少，就吃點心吧！

   蝦仁波菜餃    蜜制叉燒飽

    

 

   

 

    帶子香芋球    上素腐皮卷

   仲有個珍珠咸水角，太肚餓一上就掃晒，無影到，D點心都系食到一半先記得影， 食物似普普通通，但不知道是否太肚餓，兩人狼吞虎咽，菜餃除了蝦鮮味外，豬肉味亦很香濃，不似香港茶樓點心D肉，多數有雪味或鬆肉粉腌拿到無晒味，叉燒飽D蜜汁也很香甜適中，炸芋頭原先以為很油膩，但一口咬下去芋香鬆化，全不覺漏，腐皮卷的份量一條等於香港三條，裡面的餡料是7、8 種素菜絲，外軟內脆，最後壺茶，cheap cheap 划艇高手不點焗盅茶，但勝在水夠滾，茶再普通一點也無所謂，好似做人咁，普普通通，基本做足不花巧就可以了。

飲完茶，到泮溪旁邊有間仁威廟走走，

   

 

   

 

再過對面手信街買手信，蓮香樓既芝麻容餡，

還有這檔馬碲糕，陳年老字號，此舖不在手信街，（因見人排隊不執輸），

 下面紅色紙是舊包裝，上面新包裝用紙盒

仲有更環保裝

泮塘五秀，你數唔數得出邊五樣?

店主話此舖是老父留下來，後生又不願做，自己做得一日得一日

這麼好吃的馬碲糕，同手信街的 mass production 是兩回事。

左：綠豆麥米味，右：千層馬碲榚

買完手信已差不多黃昏時後，沿著來時路徑，穿過荔灣公園回去，回程時在公園看見有人餵流浪貓

初時我聽見有喵喵聲，像是小貓叫聲，後來見到這隻黃色貓媽媽，旁邊這位阿姨正放下一小袋貓飯，我走近去看，卻給阿姨，說我這陌生人會嚇跑貓媽媽，說話未講完，黃媽媽真的退了幾步，我聽見小貓應在附近，很好奇好想看看，但阿姨不停趕我走，說如果俾人見到，貓貓不會有好下場，因廣州現時仍有人吃貓，難得有這位阿姨，為了保護貓貓，留點私隱給她們吧！

廣州一天遊，他他條條行公園，悠悠閒閒賞賞曲，賞古鑑今，新舊交替，沒有趕鴨仔，喝一口茶，買點手信，好心人、好心事，心情靚絕！

2011廣州遊 - 荔灣公園

          復活節長假期，當然要回鄉間蝸居抖抖氣，今年由復活節開始，連續4個星期都祇系返4日工，有時阿Q D諗，當加左人工！   4日假期，其中有1日要回家裡閒人鄉下拜太公（拜太公呢樣野，在划艇高手來講是新鮮事物，當然要另開一篇blog來寫），1日出去玩，其實得番1日半休息，當然要好好利用，一於發揮香港人work hard，play hard既精神！

           咁究竟去邊樹好呢，記得過年時同屋企人路過廣州荔灣，當時春節，人山人海，祇是匆匆路過，回程時又找不到回鄉居村巴車站，最後要由廣州企（沿途無位坐）地鐵返番禺鄉居，於是今次決定坐屋村巴士，用最土的方法，總站到總站，一定無走失，於是第1日假期就向荔灣公園出發！

           一落車，公園就在車站對面馬路，很易找，門口有售票處，還以為要買門票，但見人人都是自出自入，閘前也沒有人守，記得以前國內的公園，全部都要買門票，為甚麼現在不用買呢?  想必是現在國家富貴，回饋社會， 心中暗喜，一於跟人大大步咁行公園去也。不知是否當天是星期五，不是國內假期，園內很清靜，沿行人路濃蔭蔽徑，天氣也不熱，偶爾清風陣陣，於是放慢腳步，享受下行公園樂趣...

園內有很多銅像雕塑，地上有

牆上有

花花草草


亭台樓閣，

 












小橋流水，

園中還有三、五堆人，唱曲，踢毽，推BB車晒太陽，各式其式，見有織女系公園開工，嘩，呢D咪划艇高手最恨境界，可以不用划艇，上岸織下冷衫的日子！

行完公園，從另一公園門口出，就是西關龍津路，去年廣州亞運，成個荔灣區（其實成個廣州）攪到旅遊區一樣，保留一些舊建築，

這些騎樓全部經過復修

也修建了不少新的，成條古玩街

又再攪攪新意思，如這個荔枝灣大舞台，有真人在唱曲，

在這條涌的另一面，又玩緊接新娘巡遊

 

                                         

 

場面熱熱鬧鬧，與剛才清靜的公園氣紛，截然不同，再行過D有懷舊西關風味建築物群

 

      

 

   

還有幾座博物館，可惜找不到售票處，加上家裡閒人話肚餓，祇好作罷

如有外國朋友來，一定要入去參觀。

西關後街舖頭貓，肥施大隻，主人對佢地應不錯

之後便上茶樓，歎番一盅兩件去。

荔灣公園介紹

蕉Bill

         前排有客戶送了十幾箱萍果來公司，每位同事都分了10個8個，D萍果來自西安，都幾香，一帶回家，Inspecter Bill又來執勤...

Bill Bill：嘩！好香呀！

Bill媽：Bill仔，你聞時聞，唔好攪我D果果呀！

Bill Bill：聞下，使唔使貢緊張呀~

Bill媽：就系怕左你，怕你將D果果當波踢！

借左聾耳陳隻耳....

Bill 媽：Bill Bill，你都系唔好攪我D果果，你蕉啦！

Bill Bill：阿Bill媽，你唔系咁玩野麻，我嬲架.....開始飛機耳....

最後影完爽爽，Bill媽馬上將D果果放入雪柜，唔系Bill Bill真系會將D果果當波踢，因為Bill Bill有舖癮，就系將所有圓形、球體、細細粒既野當波踢。