趴枱Bill

名牌界有趴地，卡通界有趴地熊，划艇家有趴枱Bill

划艇家的飯桌（個枱字出唔到)，是主子的凍板，夏天長期佔據，吃飯時請Bill爺下來例必報以不爽眼光或捱他幾口...


Bill Bill：Bill媽，你張枱使用率貢低，最多咪一日3次，我夏天先用多少少，使使咁狐寒！

Bill Bill：話時話，呢樹用黎思考貓生道理，系最適當位置！

Bill Bill： 遇到諗唔通既問題，話俾周生知，睇下佢有咩意見！ 

送上大sea food 一個
 

墾丁交通工具

正在摷9月份旅行資料，看見注意事項，咁即系唔使去?

交通工具
交通方式	開車玩墾丁	搭客運玩墾丁	騎機車玩墾丁	包車玩墾丁
花費金額	約1500~2000元	約300元左右	約350~500元	約3000元起
注意事項	★隨計畫到處趴趴走 ☆消耗精力且油資貴	★有司機帶領，不怕迷路 ☆但浪費旅遊時間在等車	★機車方便不會塞車 ☆但須風吹日曬下玩	★有專業嚮導帶領下 ☆荷包可會大大失血

引用自 Hot墾丁


多謝貓友Abebe提供資料

上網記

    相信現今都市人，個個都有上網的找資料、找娛樂的習慣，划艇家也不例外，可家裡的小朋友卻另有想法....


Bill Bill：Bill爸，你又上網摷野呀?
Bill爸；系呀！我想搵下......

Bill Bill：搵唔搵到呀，等禾幫下你手啦！

Bill爸：衰仔咪攪啦，縮開隻手呀！


Bill Bill：哼！好叻咩！


唉，家中事無大小，管家Bill 都要插上一手，大本Notebook一擺上台，八卦仔即貼身跟住，唔俾攪即時送上C面一個！

Hysan Place + 巴基斯坦芒果

    城中有新商場開幕，愛熱鬧的划艇肯定不會錯過，不過不會瞎迫，揀一個週未早上，10點前商場店舖未開店之時，3層的書店，扮扮文化人先

這種文化划艇可真是一點不懂

睇中幾本書也沒有買，忍忍忍，還有一個月就過去....

陸陸續續有其他商舖開店了

商場其實不是很大，可能還有另一座未開通，行到人潮湧現，即嗚金收乒，祭五臟去

之後去探Bill婆婆，在老人家住處見有不少南亞人開的雜貨店，門口有這些誘人的芒果，一盒$75，傳說中的印度芒果很貴又不易買到，二話不說即買一盒試試，回家看清楚原來不是來自印度，是巴基斯坦的。

一盒3 kg，有5-6個，賣相也不錯，也很香，正如盒子上說很蜜糖味

最後祇帶了兩個回家，

 

想起雪櫃還有盒涼粉

切粗粒


加上面伴來吃，好消暑呀！


試食報告：很甜很甜，甜到漏，真的似蜜糖味，口感有點像吃番薯芋頭之類澱粉質感，而且很多筋，有渣 ，沒有那種滑口感覺，個人還是喜歡呂宋芒的香味和質感。

紅豆雪條 + 綠豆雪條

上星期日剛買的新玩具，急不及待剪彩

叫閒人定煲紅豆沙，

點知佢真系淨系煲夠整雪條的份量 - 8 條，一滴都無淨

加蓋

等

煑晚飯前入櫃，食完飯幫D碗同自己完涼就食得
制成品Ｄ紅豆沙沉澱左，可能加少少花奶會好Ｄ。


自制雪條少甜、無添加，正！



過幾日再試埋綠豆

今次Bill 爸煲左綠豆臭草海帶糖水，用食淨既糖水黎整，有臭草味的綠豆雪條，同紅豆雪條一機，好味道！