煲蟹粥

   
    放假逛街市，見到很多魚檔都有蟹賣，想記以前常煲的一款粥，近年因膽固醇陰影己少買蟹吃， 見夏日炎炎，無咩胃口，又買两隻試下，32蚊斤呢樹25蚊。


 

放出來以為Bill Bill 會有興趣玩........

點叫都唔彩，借左聾耳仔隻耳，算，開工

先洗乾淨Ｄ蟹，好奈無買，都無失手


料頭有薑、蒜、葱 同划艇高手至愛的芫茜

然後煲1煲飯 instead of 1煲粥，呢個方法是以前睇方太教的(80後or 90後可能唔知邊個系方太
)，划艇高手用的米是煲粥米，呢度大半嘜米，方太的食譜還有肉碎紫菜，個人覺得太多料反而奪去蟹的鮮味，得以skip 左

跟往爆香薑蒜之後



倒埋Ｄ蟹再爆一陣就加水(划艇高手今次水少得濟)

滾到Ｄ蟹熟透後夾起Ｄ蟹先，跟手倒埋Ｄ飯落Ｄ蟹湯度



滾透後加入葱花芫茜就攪掂！




加埋閒人炒麵 (麵餅1個4蚊，加2蚊牙菜)

上枱前影張爽先



簡簡單單一個炒麵蟹粥餐，話咁快就有得食！

温馨提示：

1.  Ｄ粥滾幾奈視個人喜好，划艇高手今次心急同火猛得濟，水乾無法子焗著收火， 應該最少等Ｄ米開花。
2.  這粥很適合一大堆人吃，尤其是人數無法預算時，因米飯多少稀杰隨意。

3.  甚麽蟹或蝦都可以放，適隨尊便。
4. 如喜歡綿滑的感覺， 亦可用廣東粥底。

北海道雪祭2012

 
   前幾天同事問起我的北海道雪祭之旅進展如何，才想起自從我今年2月做了Booking這麼久，一直都是waiting 狀態，（先前firm了via東京，後因311事故又取消）忍不住打電話去Aisa Miles 問，又是留電話等下一個工作天覆，於是又繼續等（差點又忘記了這回事），終於在3 個工作天後吃中午飯前15分鐘回電，那一刻真的想叫她飯後再打來，但又怕她不打，唯有C搾著電話唔放，最後終於攪掂晒，雖然又是要via 東京，極差時間，不計來回機場時間，朝9出發，晚9到，算啦，本住  NO PAID , 就 OK 的心態， 咁就好開心架啦！
 

Yeah！

Bill Bill 被咸記 19 Aug 2011

   真系有少少唔抵，岩岩第一次咸完別人的貓，轉頭才一個月，就咁快俾人咸番轉頭!

不過其實都很開心 ，除左Bill Bill.......


Bill Bill : Bill 媽，典解你地貢緊張既？ Bill 爸一早起身又吸塵，又執屋......

仲預備左茶點


Bill 媽: 拿，話俾你知但系唔準嬲架，今晚有班ＥＥ黎探你，你唔做得失禮人架！

Bill Bill : 吓！咩話！有咸濕ＥＥ！仲要成班! OMG！禾一於閃貓！

咸ＥＥ:你有你閃，我有我追

輪流追

Bill Bill  :  沙EE，你調戲禾



Bill Bill : 牛ＥＥ，你撩禾！
 

Bill Bill：波EE，你反禾！

Bill媽：Bill仔，你唔好咁啦，EE錫你先會黎咸你架乍，佢地仲帶左好多禮物黎，快D多謝EE啦！

最後都系忍唔住，俾沙EE引左出黎...

Bill Bill：好啦！多謝咁多位EE，你地雖然咸左少少，但系睇在咁多禮物份上，算啦，Bill 媽，禾依家好眼，你幫禾收埋D禮物先，聽朝先玩啦！

第二朝....

Bill Bill：嘩！發達啦！

Bill Bill：呢條綠色野，系咩黎架，頭先一開就彈出黎，爭D嚇C禾！
  

Bill Bill點收禮物中....

呢隻罐罐牌子，禾未試過，應該好好味...

   一班在虛擬世界認識的朋友，天天blog上見，因為大家有共同語言，一但在現實生活中見面，初初感覺有點默生，話題一去到主子身上，就變成相識很久的老友。上半場完後到我家樓下消防俱樂部食飯（飯局相在手機中，上載了數次仍失敗，正研究中），下半場飯後貓友繼續咸Bill Bill，大家有講有笑，大談貓經，話題最後去到主子的CC分享，仲越講越興奮，若不是貓痴，是不能理解！

特別嗚謝：牛牛媽、波媽、七媽、公主媽和今次初見面既Abebe &  沙Dee媽。（排名不分先後）

mmmmmmmmmm  

 

廣州取婚紗

今次是升呢後第一篇卜，有很多不滿不吐不快


1. 以前D blog 友10個有9.9個是用藝名（周星馳話網名），升呢後揭開神祕面紗，無晒私穩， 唔該blog 友回應時請報上名來。

2.  唔見晒D blog友，以前系回應既地方，可以click入blog友個地盤，但系D blog友升D唔升D，其實系大部份唔升，攪到全部查無此人（沒有此用戶），訂閱（升呢後叫關註）就更加唔水講，無晒！所以請各位blog友盡快升呢，快D歸位！唔使巡blog巡得咁辛苦！

3. D相編輯唔到，連換相簿都唔得，以前划艇高手將未出街的相，放在一本相簿，出左街後先轉去相關相薄，因划艇高手開始進入老人痴呆期，依家攪唔清邊D出左街，邊D未出！

4. back up又做唔到（he he，呢個唔關亞虎事）down load個 firefox 就幾順利，但系個little 就整極都整唔到，攪左划艇高手成個weekend，都攪唔掂，最終要放棄！

******************************************************************************

好似離題太遠，返番個主題先

上個週未返左鄉間蝸居，大熱天時，跑上去做乜? 皆因有親戚在廣州做了婚紗，依家起貨可以取，點解個新娘唔自己取，因為已經返左紐西蘭，11月先系婚期。件衫拎返來岩唔岩著，就不是划艇高手的事lu。

相信很多人都知道，香港很多婚紗店的婚紗，都是國內做，其實唔止婚紗，傢俬、窗簾等都是，香港祇是一個sales角式，幫你度尺而已。

做婚紗既地方叫好百年， 系廣州海珠區，地鐵2號線坐到去市二宮站，地鐵站上蓋商場即是，出到路面，成條婚紗街，不過天氣太熱，系商場內咩都有，婚禮用品十分齊全，一條龍服務，唔使週圍行，價錢當然比香港平很多啦！

今次已經系為呢個親戚件婚紗去左3次，一次睇，一次做，一次取，唔系俾面新人個阿媽，真系彩佢都傻。
呢件就系啦，盛惠人仔3,XXX，新娘話系紐西蘭都系３千幾，不過系紐紙lor，划艇高手都唔知家下一件咁既紗裙香港賣幾$

系咪有人擔心唔知點帶返香港呢，咁米得lor！
check完貨之後，sales姐姐會幫客人pack好，pack 埋得個枕頭咁大乍！

去開廣州，梗系揾野食啦，熱C辣辣，就系好百年附近揾間地茂茶樓，灌茶灌水先，呢間叫世之紀，揾張枱系燒味櫃旁邊，見證大厨斬緊我地order 個半隻豉油雞

斬出黎系咁樣，好好雞味同豉油香味架



天口熱，叫碟涼伴魚皮，調味岩岩好，香甜既醋酸味加上微辣的薑絲和元茜香味，每樣配料都恰如其份，衹差花生稍為炸得過火

再加個霸王涼瓜，霸王者－咸旦王也，味道又幾夾

灌完茶，搭一個站地鐵去海珠廣場，呢度有個萬菱廣場，專賣小禮物等精品批發，很多香港店舖都在這裡入貨，這裡是以前有個姨甥女帶我來，她讀大學時投了個維園元宵攤檔，就是來這裡入貨。

每次行這商場都很有做生意的衝動，因為東西實在太平，最後逛了半天才坐邨巴返回番禺。

第二天中午回港前两條友本來想吃餃子，誰知看見餐牌不停點點點，最後吃完才想起沒有叫餃子，睇下我地食左咩

两個涼菜
涼伴豆乾絲

同拍青瓜，醒醒個胃先，

主菜有牙簽羊肉粒，咬落烟烟Un Un ，羊的So 味配上知然味，天依無縫！

和主食韮菜盒子....

喝一口冰凍啤洒

咬一口燙嘴的韮菜盒

人生乎服何求！

呢間野叫東北村(祈福食街)

呢度仲有玩野既坑床

天時暑熱，咪攪！