年近歲晚,見D 貓友 blog 友個個蒸糕炸角,攪到划艇高手都有D手痕痕,加上Bill 婆婆打電話來問要不要糕,其實很想要,但實在不想Bill 婆婆80幾歲咁辛苦,真不明白Bill 婆婆那一代的人,次次過年過節蒸糕的數量,實在嚇人,除了自已仔女之外,還要派街坊,以前我的99在世時,常給我老爺說蒸糕來賣,可想而知數量驚人。
星期日一早買齊材料,結果也攪到晚上10點才可以開工,蘿蔔切絲、臘腸蝦米冬菇切粒、粉 & ....
最重要的一樣 - 貓紙,
人地sell個攪伴器,我就偷左個製作過程同份量
貓紙份量:
蘿蔔 2-3斤
粘米粉 200克
鹽 半茶匙
白胡椒粉 半茶匙
五香粉 半茶匙
糖 1茶匙
油 5湯匙
水 適量(連同蘿蔔水共250毫升)
臘腸,蝦米,冬茹,乾元貝 適量
先爆香臘腸蝦米冬菇粒,剷起備用
跟住炒蘿蔔絲至出水軟身,加調味,鹽、糖、胡椒粉,貓紙還有划艇家沒有
的五香粉
粘米粉用水開成漿後連粒粒、蘿蔔絲撈勻便可以落鑊蒸
第一次做保守D,份量 = 貓紙一半,結果......
唔夠水唔夠粉,剛蒸起又太熱,倒也倒不出
聽Happy 媽說襯熱可改變形狀,於是入另一個兜,攤凍雪入雪櫃
第二天完全忘記了,等到第三天才拿出來吃,雪了两晚定了形,反而容易切
今次由Bill 爸操刀 - 煎
又好似幾像樣 wor
這就是我的第一底蘿蔔糕鳥!
總結:
原以為唔夠水唔夠粉,到做第二次時才發現應該是第一次的蘿蔔煮得唔夠軟身,粉漿蓋不過蘿蔔,但轉兜時全部倒轉來再壓實,結果又不是太差。
其實划艇高手划艇(系股票市場)就叻,整野食就麻麻地,系網絡世界簡直是班門弄斧,不過自己當是一種日記,記低自己一些開心事(盡量),有朝一日唔使划艇時睇下,都幾開心,當是娛己娛人。
F
回覆刪除