返鄉下飲嫁女酒

   

        原先plan 左出差回來返鄉間蝸居渡週未，所以一早訂好左車飛，咁岩收到閒人鄉下嫁女帖，於是順便返人地鄉下一轉。

        閒人鄉下在佛山，從番禺去依家有左地鐵，雖然未完全開通，左轉右轉成個幾兩個鐘先去到佛山市中心 - 祖廟站，無法啦，兩條友唔通包車咩，落車後匯合閒人兄弟（即Bill督督），返入真正農村鄉下前，祭左五臟廟先。

       當時中午成2點幾，又橫風橫雨，梗系去滾....滾下啦！ 成日返鄉下的閒人兄弟帶我們去這一家，he he，又出食野相...

呢度祇系一部份



主菜系魚嘴（無左頭殼頂同頸D骨），20蚊人仔一斤，呢度有3斤，再 + 一隻雞



仲有呢兩樣，鴨血同鵝腸，依家系香港好難食到好食架啦！鴨血滑嘟嘟，鵝腸有陣腸果D壓壓地味，正！

  

        滾左成兩粒鐘之後，再去佛山吉豬島血拼，出黎先發現仲有一間旭耳馬，無奈時間關系，留番下次大鄉里出城先再去過，費事連人情都血拼埋就真系失禮鳥！

        返到閒人鄉下，梗系去恭喜下未來外父先啦...

        嘩！超大個嫁女餅呀！直徑有成尺架！未來外父話呢度系後加部份 - 唔夠派wor！划艇見成個廳都系餅，大家都知鄉下人D屋，一個廳 = 香港成層樓（有可能大過添），堆到好似貨倉咁，不過唔系幾好意思影。



恭喜完一輪，就去祠堂飲.....



        話說閒人呢個親戚系富貴人家，嫁女咁大件樹（佛山音事讀樹）梗系要請晒全村人啦！星期日先系女兒出門正日，星期六晚同星期日中午，系祠堂各擺幾十圍，星期日晚再系酒樓擺，到三朝回門星期二，又系酒樓再擺，前前後後擺足三日，由於原先已訂好車飛，划艇和閒人祇能參加星期六晚果餐，閒人兄弟就食埋星期日中午果餐先走，睇埋落櫳（即show嫁妝） & 接新娘。

呢度系祠堂下層，仲有上層



幾豐富架，可惜十幾碟菜一齊上，天氣又凍，一陣間就凍晒，加上晏晝食得太飽，呢餐又食得早，邊食得落呀，又唔好意思好似D鄉下人，自備環保袋呀盒呀咁打包，徙晒！



第二朝的接新娘，划艇沒有參加，問Bill督督借左D相

祠堂擺酒到會


新娘車雖然娘娘地，cooper仔系國內也不平宜，系划艇dream car黎架，最攪野系車頂頂帽

唔知佢阿爺定佢阿爺個老豆，同閒人同輩wor，總之算盤打得埋啦！

 

成個過程聽說很熱鬧，話晒是鄉間盛事嘛， 划艇雖然無參加，不過也能感染到熱鬧氣氛。

  

熱鬧過後，划艇回到番禺，返港前去探下鄰居先....

天氣因春雨綿綿的關系，十零度也感覺很冷，

雨後的炮仗花

 


和好fresh既玉蘭

     

 臨走前再去小沈陽食埋呢餐

又系食物相
京蔥羊肉

 

炸醬麵

香椿水餃

啦士再去對面屋咸下妹妹豬先，唔知邊個系妹妹豬? 即系以前我叫佢做黃媽媽既呢！

妹妹豬：你地邊位呀，唔好行埋黎，好走開lu wor，咪怪禾唔客氣呀！XYZ#$%^&*!



嘩，惡到呀，佢好大聲，又好長氣，不停咁鬧爆我地，攪到我請佢食潔齒餅都唔食，仲一個箭步標左出街添！