上學去 - 皮革班 第一堂

  由於老師家住赤柱，所以這天山長水遠，又小巴，又地鐵， 再轉小巴......轉到有同學仔話到了老師家還在暈車浪， 預了一個半小時車程，但還是遲到了，到老師家後，老師稍作講解後便入廚製作了兩道菜的精美午餐...



日本芝麻沙律醬伴椰菜絲，估唔到D椰菜咁清脆爽甜，一D苦瀝味都無



白汁雞絲意，老師系廚房整時已傳出陣陣鑊氣香味，食落口有濃濃芝士味，醬汁不多不少，正！

去學野仲有free lunch，仲系老師即場親手泡製，原來天下間真系有免費午餐架！

講咁奈，究竟學乜野?


登登登登








咪就系佢lor

事前老師一早車定裡布，將個袋定好型，打好大部份的窿



He he, 划航高手不是左yao，左手揸針就拍照乍



都幾好玩架，total兩堂，今次系第一堂,

同學仔的作品，她們的作品比較細，所以有人一堂攪掂

 

很久沒有上課了，學這些興趣班，最緊要是不用考試，雖然有少少功課，但丁點壓力也沒有，還有的是在老師家裡上課，雖然是第一次見面，老師好nice，無拘無束，大家有講有笑， 同學仔還說若在外面正正式式的學堂上課是不可以"撟住"隻腳坐的，wakaka！

仲有一樣好特別，外面上課一定無既，就系.....







有貓可咸

佢叫 Hanna， 11 歲，D毛立立令，摸落好似海虎絨咁軟熟，佢依家有D唔C服， 老師話佢有個不快樂的童年，輕度弱智，後來被收養後，養尊處優，就變成咁肥，我估佢有接近20 磅。依家對人類仍然有戒心，尤其是我這個陌生人，我們上課上了5，6 個鐘，佢一步都無離開個籬！

好期待第二堂啊！



老師的workshop: （但不是次次在老師家上課架！）

www.facebook.com/cottontreeworkshop

新佬的保蘐罩

       自從換了個新佬之後，這個新佬的開關在keyboard的正面，（舊佬在側邊）Bill Bill成日唔覺意碰到，攪到D setting 亂晒，於是Bill爸便揼......了這個，嘻嘻，不是揼Bill Bill



本來想整蠱Bill Bill，搵龍蝦先生tum佢入監倉，點知佢鬼咁醒目，C都唔入局…
Bill Bill：做乜 "one" 住龍蝦先生呀?



Bill Bill： 哎吖，龍蝦先生prison break呀！

Bill媽：你成日攪攪陣，呢個本來應該one住你先arm，不過你放心啦，呢個用系用將新佬收監架！

唉，用notebook當desk top就系唔想左定，結果攪成咁，但Bill Bill晚晚自由行，這個是迫不得意做法！

過了两日，越睇越唔順眼，結果Bill 爸又改成這樣



又過了两日，又看不順眼，Bill 爸又改成這樣
 

用两塊系賣物會買番黎既餐巾擒住，



就算Bill Bill 當床瞓都唔怕啦！

貓聚@鳳城 16 NOV 2011

        正如召集人牛媽所講，無特別，約左貓公主，甘太，幾個人，吹吹水，今次系旺角鳳城，照例出下相（全部手機相），呃下blog

睇下食咩

叫左個4人套餐，有雞燉翅

乳豬批生腸

炒班球

灼波菜



招牌菜 -貼大明蝦，我叫佢做蝦多士

另加白粥有片咸牛乳送，都幾細心



最後有綠豆沙糖水

還有牛媽熱辣辣的可愛米頭日曆卡 - 呢個都可以當架 -目食嘛

輕輕鬆鬆，吃吃笑笑，談談貓經，食物雖然大路但也不錯，很快便過了一個愉快的晚上，今次第一次見甘太，很開心，還給了Bill Bill 小禮物，代Bill Bill講聲多謝！

最後多謝召集人 - 牛媽  

Bill BIll 剪指甲

Bill 姨丈話好想睇Bill Bill 剪指甲wor , 咁咪出 Bill Bill 剪指甲 lor ! 

這天.....





Bill Bill 這惡爺，又點會咁容易就范，當然要一番駁鬥

以及來回多次，最後.....

系Bill Bill 極度盛怒之下，勉強完成

蟹炒年糕

    呢排很多貓友在FB日日講食大閘蟹，划艇高手睇到流晒口水，上週未去探Bill婆婆，在她住所附近街市（土瓜灣蘋果屋）驚見到一堆堆蟹山，但不是來自陽澄湖，100蚊四隻，雖然Bill爸不吃，但也忍不住買隻試下。

回到家裡，賣蟹老板說洗時不要解開D草，但不解開又點冼呀，於是…

結果俾佢cam 了兩野，冼完再五花大綁



蒸了十分鐘，這時才醒起無問蟹老板拿紫蘇葉



其實好細隻，個蟹身得中式叉燒包咁大，zoom埋D，扮大隻



拆開（手機相）都算多膏，肉質也鮮甜，25蚊一隻，仲想點?

 

好啦，講左咁奈，依家先入正題，本來炒年糕應該是用毛蟹or青蟹來炒，但Bill爸不吃蟹膏，唯有買佢



多謝甘太相告，牠的名字叫"白蟹"，依家好似咩蟹都靚，事旦揀也很肥



洗淨加薑蒜落鑊爆香

加水（蟹不用調味），半焯半煮至8-9成熟，加埋D蔥起鑊備用，D汁記得留埋唔好徙



洗淨隻鑊，先爆香冬菇，再加紹菜，加色加水加調味，最後落埋D上海年糕兜勻



kum 蓋煮到D年糕諗身，如鐘意D年糕濕濕地，不要太猛火以免乾水無汁



倒埋D蟹落鑊，兜兩野

就可以起碟



Bill Bill：你地又食咩呀? 貢香既?

D年糕滑嘟嘟，索晒D蟹汁，好味又飽肚，隻白蟹蟹29蚊，年糕11蚊，加埋紹菜冬菇成兜野唔使50蚊， 太奈無出街食上海野，唔知呢兜野街外賣幾錢?

溫馨提示：

炒年糕最好用紹菜，因為紹菜一路煮一路出水，咁D年糕就唔會痴到一pat pat