快閃關西行2014-2

             原本今程真系諗住齋雪拼、食下野，邊度都唔去，所以無咩做功課，但有團友話上次無行鹿仔公園，今次想補飛wor，咁.....系無人反對之下 ，咪去lor，吃個簡便早餐便出發

         奈良公園，卅幾年前跟團去過，但系咩回憶都無，也有睇過玉本宏套鹿男，祇記得佢變左個鹿頭人身，成日見到有鹿系泊系car park度，其他劇情又系無咩印象，可能人老了，個黑的士滿左，咩都唔記得，（呢個就系我次次去完旅行都盡量寫卜記低既原因 ，日後回憶，意義重大啊！）

今次咩pass都無買，這個唯一行程，沒有花時間去研究買咩扒士，直接坐近鐵就去了，一頭一尾，總站坐到總站就是。

看地圖，公園內有幾間寺廟，都是世界遺產甚麼的，唔爭在，行埋

第一間，興福寺，看來香火頂鼎盛

可惜......時間不對，維修中

正當要離開之際，開始發現鹿仔

越行越多

後來發現，原來鹿仔好聰明， 專門聚集在售賣鹿餅的檔攤前，但佢地祇會追遊客討餅吃，檔攤擺賣的鹿餅，卻不會去搶或偷。

靚仔鹿哥哥話 ：我地受過專業訓練，好有教養架！

離開興福寺，順住路行去春日大社，沿途也是公園內，見有人在寫生

好悠閒啊

雖然天氣熱，不過樹林裡好像很清涼，一路行，又有鹿仔family在左右穿梳，比起去野外睇猛獸，氣氛好似祥和好多

仲有警告牌，叫遊客唔好嚇親D原居民。

行左大半粒鐘，到啦！

入廟拜神，先洗手淨心

呢個鹿哥哥，唔通天氣太熱，想飲凍野 ，還是要雪下個頭冷靜下?

這裡的神社建築，屋頂是用周圍的檜樹皮做，參拜善信可以用￥1000買一扎檜樹皮，積少成多，集合起來就可以修輯屋頂。

儀式進行中

春日大社另外一個出名的東西就是這些燈，應該是善信還神or 祈福的

有新有舊

到處掛滿

不知何故，有些地方很隱敝，但燈卻是點著的

增添神祕感

廣東話真抵C，睇見就想笑，對不起，不恭了 

園中有棵好似叫紫藤的老樹，打住霧氣，還煞有介事地棟個牌介紹，看不懂，想必是很有名氣

繞了一個圈，走馬看花，出口有棵倒下來的樹，見有人棟個腳架在影相，當然也不能執輸

再繼續，下一站，東大寺，唔做記錄，真系唔會記得

寺前照例有賣記念品攤檔，攤檔旁邊放了幾盤給鹿仔飲的專用水，盤裡盤外有鹿仔logo的啊，其他動物不能飲用！

遊客真多

要排很長的隊才能進入，烈日當空，團友們都投降了 

反正也過了中午，撇！

撇之前見到.....還是吃個巨峰提子味的雪糕消消暑好 

不喜歡巨峰味 ? 唔緊要仲有大把口味選擇

返回奈良車站覓食，一至決定食炸豬排，方C唔夠熱氣

open kitchen，清清楚楚睇到師傳流水作業，無花無假

 

即叫即炸，外脆內多汁，一字記之曰 ：香

配合即磨新鮮芝麻 + 無限添加爽口山翠絲，

         食飽撩住牙坐車返大阪，系呢個時侯，又有人話上次未去過天王寺，咁.....又無人反對下，又去補飛lor，不過大家唔好唔會，天王寺區真系有個四天王寺架，但系我地去果個系天王寺既shopping mall 乍，話咁快，行都腳跛，又雪流成河....

真正返到酒店區，已到晚飯時侯，搵左間魚生飯店，捐左入去

原來日本人夏天也愛吃泡飯的，這店也有供應泡飯，端上來時和一般木筒魚生飯無咩分別，就是多了一瓶暖水壺，壺內是熱湯，

吃的時侯，把飯盛入碗中，泡上上湯

加上小碟的配料，有醬漬菜、蔥粒和一些小小像炸麵粉粒粒，

蔥香、麵粉粒粒香，加上今天體力消耗太大，唔使三兩撥，成筒飯唔使十分鐘便KO了。

返酒店食埋飯後果  - 青森蘋果

事後發現無相