關西行 08-12May 2012 - 2

第二天 09 May 2012
伏見稻荷大社 貴船 流水麵 河源町 錦市場

第二天一早起床，退了燒，仍感週身骨痛，吃了前一晚便利店買的輕便早餐，再啪兩粒感冒丸便出發鳥！

行到落車站，不知是身體不適，還是大城市的車站人山人海，忽然覺得心跳加速，加上今天祇有划艇和閒人兩個，（其他划艇家族去了環球影城）好似有好大壓力咁，又開始臉慶慶，見個個步履匆匆，我們不敢怠慢，跟著人潮，按指示，一條條鐵路，一個個車站，數下數下，轉下轉下，終於到左今次行程第二主菜  -  伏見稻荷大社


車站已經話你知無搭錯車，無出錯站

一出車站，轉個彎就到

入廟拜神前要先淨手、淨心


好啦洗乾淨就入去啦

伏見是地方名，稻荷是狐狸，大社即神社，所以神社到處都供奉了狐狸

神社內環境很清淨，沒有中式廟宇那種香火頂盛的感覺，日本人拜神大家睇日劇睇得多，添香油，搖下個啷啷，拍两下手，然後低頭合什祈願，划艇高手當然入鄉隨俗，正當合什之際，眼尾射到旁邊有個男人，剛合什完畢，抬頭伸直腰，赫然看見他心口掛了一條咩帶，咩BB果種，男人咩仔也不出奇，再睇真Ｄ，原來男人懷中不是BB，而是一頭小狗！帶狗狗拜狐狸神，狗狗會否蠱惑D？

 

這些是迷你版鳥居，代表了無數願望

 

向山上行，就見到這些大鳥居，

這些鳥居是日本人還神用，鳥居數量之多，可見神社夠靈驗

連願望牌都是狐狸樣

嘻嘻，到此一遊，呢個招牌位實在太多人，排隊等左好奈先影到相，回來才發現衹影了一張相，真可惜！

離開稻荷大社之後，轉往北上洛北，到今程第三主菜 - 吃流水麵去！

呢架叫叡山電車， 

很多謝blog 友電占、豆豆解介紹，系呢個非櫻花紅葉的季節，去呢個地方 - 貴船，我們在貴船口駅下車，跟住車站旁邊條路往上行，沿途種滿楓樹和不知名的杉呀松呀咁，秋天來想必是另一番境像，不過現在樹蔭下散策漫步，旁邊貴船川流水淙淙，氧氣充足，都幾舒服

貴船川两旁長滿這種花

貴船川

有大雀仔在覓食

行行下，開始見有穿著和服的侍應在這種川床料理門口招呼拉客

所謂川床料理就是夏天時，日本人在河川上架起草蓆或竹棚，然後再在上面擺上筵席，相中右下角的人，就正在吃ing川床料理，不過唔好意思攞支鏡對住人地

未到目的地，再繼續

途經两座貴船神社，不過無入去

夏季剛開始，有些還在搭棚中

終於揾到雞精書介紹呢間
http://www.hirobun.co.jp

行到門口裝两裝，即刻有人出來招呼....
划艇: noodle? (因川床料理很貴，唔岩cheap cheap 家族)，
對方即刻話￥1,200 per 1
划艇：two, 然後速速磅水，除鞋入座。

呢個view 同網上資料一模一樣

好快set 好枱，閒人話：乜系得咁多？



大家唔使擔心，每枱客食既管道系唔同既，所以唔會食到人地口水尾，除非有人飛象過河，不過日本人好有公德心，唔會咁做。

黎啦黎啦，好緊張呀！

miss 幾箸就夾到架啦

點一點豉油or 醬汁? 就食得架啦，啜一聲，嘩！透心涼呀！行左差不多成個鐘，個喉龍火燒咁，依家好似一口清泉sir落肚，正到痺！

見到紅色呢一箸，就表系last 一箸鳥

呢張招牌貨又要影一影
 

好彩食果Ｄ唔系呢兜水流落黎


Bye  bye 啦，希望有機會再來過

沿上山的途徑下山，吃飽後竟然唔想行

見有觀光巴士，原來Kansai Through  Pass可用，浪費晒頭先撑上黎Ｄ腳骨力添！

之後回貴船口，轉車去河源町，

河源町車站一出就系鴨川

又川床料理？

行幾行，又轉左入間cafe 嘆個afternoon tea

嘆完tea, 差夠電，再行街街，經過錦天宮

入去錦市場轉了個圈，已經好攰了，



打道回大阪，此時划艇又再度慶烚烚，見呢間拉麵系酒店附近，又有旅遊書介紹，便入去坐

點了两碗拉麵
 

+ 呢客餃子 

Ｄ湯頭好似麵粉水，杰撻撻，我地明明系第一枱客，但系Ｄ餃子好似用萬年油煎咁，碗麵我食左幾啖就想嘔，可能系我唔舒服掛！

之後速速回酒店，梳洗完再啪丸，即刻累上床，連相機電都唔記得叉，攪到第4個主菜無相影！